Ադրբեջանի արտաքին գործերի նախարարությունը դատապարտել է Կանադայի արտաքին գործերի նախարար Մելանի Ժոլիի հայտարարությունը, որն իբր ուղղված է «Ադրբեջանի ինքնիշխանության և տարածքային ամբողջականության դեմ»։
Այս մասին մեկնաբանություն է տարածել Ադրբեջանի ԱԳՆ մամուլի ծառայության ղեկավար Այխան Հաջիզադեն։
«Մենք խստորեն դատապարտում և ամբողջությամբ մերժում ենք Կանադայի արտգործնախարար Մելանի Ջոլիի սեպտեմբերի 22-ին արված հայտարարությունը»,- ասվում է մեկնաբանության մեջ և ավելացվում, որ «Կանադայի ԱԳ նախարարը զբաղվում է մանիպուլյացիաներով և փաստերի խեղաթյուրմամբ»։
Ըստ այդ մեկնաբանության՝ «Կանադան բարոյական իրավունք չունի քարոզելու այն մասին, թե ինչպես պետք է վերականգնվի խաղաղությունն ու անվտանգությունը մեր տարածաշրջանում»։
«Եվս մեկ անգամ հայտարարում ենք, որ նման սադրիչ և կանխակալ հայտարարությունները ոչ այլ ինչ են, քան խոչընդոտ տարածաշրջանի ապագա զարգացման և առաջընթացի համար՝ հիմնված միջազգային իրավունքի սկզբունքների հարգանքի վրա»,- ասվում է մեկնաբանության մեջ։
Բաց մի թողեք
Գիշերվա ընթացքում ռուսական հրթիռները ցնցեցին Ուկրաինան՝ սպանելով առնվազն 11 մարդու. Լուսանկարներ
Մինչև 2030 թվականը Հայաստանի անդամակցությունը Եվրամիությանը քիչ հավանական է. Լուսանկար
Կապանի զորամասերից մեկում ժամկետային զինծառայող է կախվել