«Վրաստանի կառավարության ռուսամետ և ոչ լիբերալ գործողությունները լուրջ անհանգստություն են առաջացնում, հատկապես այն պայմաններում, երբ Ռուսաստանը փորձում է պահպանել իր ազդեցությունը տարածաշրջանում՝ սրելով տարածաշրջանային հակամարտությունները:
Ռազմավարական առումով ողջ Հարավային Կովկասը գտնվում է «դանակի շեղբին»»,- հոկտեմբերի 3-ին հրապարակված բաց նամակում հայտարարել է ԱՄՆ Հելսինկյան հանձնաժողովը: «Միացյալ Նահանգները և մեր դաշնակիցները պետք է վերանայեն իրենց մոտեցումը:
Հայաստանը՝ պատմականորեն Ռուսաստանի ամենամոտ դաշնակիցներից մեկը, հեռանում է Մոսկվայից: Միևնույն ժամանակ Ադրբեջանն ուժեղացնում է իր կապերը Ռուսաստանի հետ և հավասարակշռում է դրանք ՆԱՏՕ-ի անդամ Թուրքիայի և Եվրամիության հետ իր երկարատև և արդյունավետ հարաբերություններով:
Բացի այդ, «Վրացական երազանք»-ի կառավարությունը շրջադարձ է կատարել դեպի Ռուսաստան և ոչ լիբերալ կողմնորոշում՝ ակնհայտորեն մի կողմ դնելով իր ժողովրդի արևմտամետ տրամադրությունները», – նշել է Հելսինկյան հանձնաժողովը:
Բաց մի թողեք
Հայաստանում ժամանակն է կառուցել կրիմինալ բանականության տվյալների կենտրոններ
«Մեզանից հետո թեկուզ ջրհեղեղ»
Ի՞նչ էր ասել Ալիևը, որն աննկատ մնաց մեր հանրային դաշտում