ՀՀ վարչապետի աշխատակամի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է Երևանում հասարակակակն տրանսպորտի վարորդների բողոքի ակցիային: Նա գրել է.
«Տարատեսակ Անդոների ու ուղղորդված բլոգերների մասնակցությունը 400,000 դրամից դժգոհող վարորդների ակցիային վկայում է ակցիայի քաղաքական նպատակների մասին։
15 օրվա համար 400,000 դրամը Հայաստանում համարվում է բարձր աշխատավարձ, մոտ 10 տարի կրթություն ստացած բժիշկներից շատերն անգամ այդքան չեն վարձատրվում։
Օրինակ ԱԺ պատգամավորները ստանում են մոտ 600,000 դրամ աշխատավարձ, իսկ պետական այլ կառույցներում աշխատող վարորդները վարձատրվում են մոտ 200,000 դրամ աշխատավարձով։
Ուշագրավ է նաև, որ 400,000 դրամից դժգոհող վարորդներին քաջալերում են նույն մարդիկ, ովքեր իբրև պայքարում են տրանսպորտի թանկացման դեմ»:
Հիշեցնենք՝ «Երևանի ավտոբուս» ՓԲԸ-ում վաղ առավոտից գործադուլ էր: Վարորդներից մի քանիսը հայտնել էին, որ աշխատանքային պայմանների բարելավում ու աշխատավարձերի բարձրացում են պահանջում։
Երևանի քաղաքապետարանի մամուլի քարտուղար Հայկ Կոստանյանն արձագանքել է առավոտից ավտոբուսների վարորդների կազմակերպած գործադուլին և նշել՝ որքան աշխատավարձ են ստանում նրանք:
Երևանի քաղաքապետ Տիգրան Ավինյանը ևս անդրադարձել է հասարակական տրանսպորտի վարորդների գործադուլին՝ նշելով, որ կազմակերպիչները ենթարկվելու են խիստ պատասխանատվության, որևէ տեսակի շանտաժի չեն տրվելու, կոմպրոմիսի չեն գնալու։
Հասարակական տրանսպորտի վարորդների կողմից այսօր իրականացված գործադուլի հետևանքով 18 վարորդ ազատվել է աշխատանքից։
Բաց մի թողեք
Քաղաքականություն՝ ուղղված «Շարիկովներին»
Որտեղի՞ց «ծլեց» Իսլամական պետության դեմ պայքարը, եւ արդյոք դա Հայաստանի առաջնահերթությո՞ւնն է
Մարիա Զախարովան ու Ալիևը, գլուխը դնելով իրար դոշի, կարդացել են հայ-ամերիկյան տեքստը ու հուզվել. Սաֆարյան