Հունվարի 21-ին արտակարգ դեպք է տեղի ունեցել Երևանում։
ՀՀ Ներքին գործերի նախարարության ոստիկանության Քրեական ոստիկանության գլխավոր վարչության Երևան քաղաքի վարչություն օպերատիվ տեղեկություններ են ստացվել, որ Ակսել Բակունցի փողոցի 2 նրբանցքում Երևանի բնակիչ 45-ամյա Ալեն Մ․-ն հասարակության ինչպես նաև իրավական և բարոյական նորմերի նկատմամբ բացահայտ արհամարհական վերաբերմունք ցուցաբերելով զենքի գործադրմամբ նշված շենքի բակում իր կողմից նախապես տեղադրված թիրախի ուղղությամբ արձակել է մեկ կրակոց, այդ կերպ ցուցադրաբար անտեսել է համակեցության կանոննները և խախտել մարդկանց անդորրը:
Ինչպես հայտնում է ֆոտոլրագրող Գագիկ Շամշյանը, նույն օրը Ալեն Մ․-ին խուլիգանություն կատարելու կասկածանքով ձերբակալվել և «Սայգա 7.62» տիպի, 39 մմ տրամաչափի ինքնաձիգով բերվել է քրեական ոստիկանության Երևան քաղաքի վարչություն։
Դեպքի փաստով կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Նոր Նորքի քննչական բաժին, իսկ Ալեն Մ․-ն տեղափոխվել է ՀՀ ՆԳՆ ոստիկանության համայնքային ոստիկանության գլխավոր վարչության ձերբակալվածների պահման վայր։
Բաց մի թողեք
ԱԺ «Հայաստան» խմբակցության նախկին պատգամավոր Մխիթար Զաքարյանից կբռնագանձվի 12 անշարժ գույք, շուրջ 960 մլն դրամ. Լուսանկար
Սմբատ Լպուտյանին մեղադրանք է առաջադրվել երկու հոդվածով․ Լուսանկար
Ծառուկյանի փեսա Կարապետ Գուլոյանից հօգուտ ՀՀ-ի կբռնագանձվի շուրջ 1 մլրդ 300 մլն դրամ, բանկի 2000 բաժնետոմս, անշարժ գույքեր