Վրաստանի վարչապետ Իրակլի Կոբախիձեն ափսոսանք է հայտնել իր երբեմնի զինակից, իրավանախորդ՝ երկրի կառավարության նախկին ղեկավար Իրակլի Ղարիբաշվիլիի հետ կատարվածի համար։
«Տեղի ունեցածը խորն ափսոսանք է հարուցում։ Ես չեմ ցանկանում որևէ այլ մեկնաբանություն անել այս հարցի վերաբերյալ»,-ասել է նա։
Կոբախիձեն այս հայտարարությունն արել է՝ պատասխանելով Ղարիբաշվիլիի հարցաքննության վերաբերյալ լրագրողների հարցերին։
Նա նշել է, որ 2024 թվականի փետրվարի 8-ին վարչապետ նշանակվելուց ի վեր կառավարությունը գործել է լիակատար թափանցիկության մթնոլորտում։
Կոբախիձեն հավելել է, որ չի պատրաստվում որևէ մեկնաբանություն անել այս հարցի վերաբերյալ և կոչ է արել լրագրողներին իրենց հարցերն ուղղել համապատասխան մարմիններին։
Հիշեցնենք՝ Ղարիբաշվիլին նախորօրեին հարցաքննվել է Վրաստանի պետական անվտանգության ծառայության հակակոռուպցիոն վարչության կողմից։
Նա խոստովանել է, որ մի քանի տարի շարունակ անօրինական եկամուտ է ստացել։
Մինչ այդ էլ նրա տանը կատարված խուզարկությամբ խոշոր կանխիկ գումարներ և թանկարժեք զարդեր էին հայտնաբերվել:
Բաց մի թողեք
Բաքուն անցել է բացահայտ թշնամանքի․ տասնյակ թուրք հայտնիների մուտքն արգելված է
«Անընդունելի և նույնիսկ հիմար մեկնաբանություններ»․ ո՞ւմ նկատի ունի Մակրոնը
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ