Փետրվարի 27-ին Սևանավանքում տղամարդը պայթուցիկներ է շպրտել զբոսաշրջիկների խմբի ուղղությամբ։
Զբոսավարի դիտողությանն ի պատասխան ապտակել է վերջինիս, ապա խմբին են մոտեցել այթուցիկներ նետած տղամարդու ընկերները, ծեծել զբոսավարին, հավաքվել զբոսաշրջիկներին տեղափոխած մեքենայի մոտ, դանակ պտտել, քարեր նետել մեքենայի վրա։ Զբոսավարը զբոսաշրջիկների հետ կարողացել է հեռանալ տարածքից՝ ահազանգելով ոստիկանություն։
ՆԳ նախարարությունը «Հայկական ժամանակ»-ի հարցմանն ի պատասխան, տեղեկացրել է, որ ոստիկանության ծառայողներն օպերատիվ կերպով արձագանքել են քաղաքացու ահազանգին և նրանից ընդունել հաղորդում։ Կասկածյալը հայտնաբերվել և ձերբակալվել է։ Դեպքի առթիվ կազմված նյութերը սահմանված կարգով փոխանցվել են նախաքննական մարմին, նախաձեռնվել է քրեական վարույթ։
Անդրադառնալով հրապարակումներին, համաձայն որոնց ոստիկանների ներկայությամբ ևս խմբի վրա հարձակված քաղաքացիները շարունակել են իրենց գործողությունները, իսկ ոստիկաններն անհարգալից են խոսել զբոսավարի հետ, ՆԳՆ-ից տեղեկացրեցին, որ իրականացվել է ծառայողական ուսումնասիրություն։
«ՀՀ ՆԳՆ Ներքին անվտանգության և հակակոռուպցիոն վարչությունում իրականացվել է ոստիկանության ծառայողների գործողությունների ծառայողական ուսումնասիրություն, որի արդյունքներով հակաիրավական որևէ արարքի առկայություն չի արձանագրվել», ասացին մեզ հետ զրույցում։
Բաց մի թողեք
Հրատապ լուր։ Աթենքի կենտրոնում մի քանի կրակոցներից հետո հրաձիգը փախուստի մեջ է
Հաղորդում ենք ներկայացրել թուրք քաղաքական գործիչ Ուգյուր Գուզելի դեմ. Լուսանկար
Խոշոր չափերով ավազակության մեղադրանքով հետախուզվող է հայտնաբերվել․ տղամարդը տեղափոխվել է ՔԿՀ․ տեսանյութ