Ուժեղ Հայաստան» կուսակցության անդամ, սահմանադրական իրավունքի մասնագետ Գոհար Մելոյանը հայտարարել է, որ համաշխարհային փորձը ցույց է տալիս՝ նման գործընթացները կարող են հանգեցնել ավտոկրատ կառավարման ձևավորման, որը հաճախ ուղեկցվում է ծանր հետևանքներով՝ ներառյալ մարդկային կորուստներն ու պետական համակարգի թուլացումը։
Նա ընդգծում է, որ պետության հիմքում պետք է լինեն մարդը, նրա իրավունքներն ու ազատությունները, և ոչ թե իշխանության կրող անձը կամ նրա շրջապատը։ Մելոյանի համոզմամբ՝ պետական կառավարման մոդելը չպետք է կենտրոնանա մեկ անձի շուրջ, այլ պետք է կառուցված լինի երկարաժամկետ կայունության և արժեքների վրա։
Անդրադառնալով քաղաքական հեռանկարներին՝ նա ներկայացրել է նաև իրենց կուսակցության մոտեցումը՝ նշելով, որ իրենց պատկերացմամբ Հայաստանը պետք է զարգանա որպես կայուն և շարունակական պետություն։ Նրա խոսքով՝ այդ տեսլականում կարևոր դեր է վերագրվում ապագա վարչապետի ինստիտուտին, որը պետք է նպաստի այդ հիմքերի ամրապնդմանը․ «Իշխանության բանաձեւով՝ Հայաստանը վերջանալու է Փաշինյանով։ Մեր տեսլականով Հայաստանը հավերժ է»:
Բաց մի թողեք
«Կիրանցը գոհ է, դուք էլ թափով հանձնեք ձեր տները»․ սա՞ չէ ձեր նպատակը
Այս ընտրությունների արդյունքները չեն կարող վկայել ժողովրդավարության մասին
Մենք կարողացանք մեր փոքր դրոշակները դնել քաղաքական դաշտի մեջ