ՔՊ նախընտրական քարոզարշավը մեկնարկել է Սյունիքի մարզից

«Քաղաքացիական պայմանագիր» կուսակցության նախընտրական քարոզարշավը մեկնարկել է Սյունիքի մարզից:

Բռնակոթ համայնքում ՀՀ վարչապետը այցելել է քաղաքացիներին, զրուցել նրանց հետ, բաժանել բուկլետներ:

Բռնակոթում նա հայտարարել է, թե Հայաստանը դուրս է եկել գոյատևելու ժամանակաշրջանից։

«Եկել է ապրելու ժամանակը»,- ասել է նա։

Ըստ Փաշինյանի՝ ապագան հիմա է, երբ բարձրացրել են թոշակները, հոգ է տարվում տարեցների առողջության մասին, և հաստատվել է խաղաղություն։

Անգեղակոթ համայնքում քարոզարշավի ժամանակ վարչապետը, խոսելով ճանապարհների բարեկարգման ու ասֆալտապատման աշխատանքների մասին, կատակել է:

«Անգեղակոթի ճանապարհը մեկ Բրեժնևն է ասֆալտ արել, մեկ՝ ես»,- ասել է նա: