Մայիսի 7-ին՝ ժամը 22։57-ին, Տավուշի մարզային օպերատիվ կառավարման կենտրոն ահազանգ է ստացվել, որ Աղավնավանք բնակավայրում տեղի է ունեցել ՃՏՊ՝ ավտոմեքենան բախվել է սյանը, այնուհետև ընկել գետը․ տուժածներ չկան։
Այս մասին հայտնում է ՆԳՆ փրկարար ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Mercedes-Benz» մակնիշի ավտոմեքենան դուրս է եկել ավտոճանապարհի երթևեկելի հատվածից և Աղավնավանք բնակավայրի կամրջից ընկել գետը։
Փրկարարները հոսանքազրկել են ավտոմեքենան, փակել գազի բալոնի փականը և վերամբարձ կռունկի օգնությամբ դուրս բերել գետից։
Բաց մի թողեք
Սպիտակի քաղաքապետն էլ էր հեծանվորդների մեջ. Լուսանկար
ՌԴ-ում ՀՀ դեսպան Ասենյանը կանչվել է ԱԳՆ՝ Հայաստան Զելենսկու այցի պատճառով
«Բոլորին դեմ եմ» կուսակցությունը հայտարարում է` ով է իրենց ՀՀ վարչապետի թեկնածուն․ Լուսանկար