«Ուժեղ Հայաստան» կուսակցության անդամ Իրինա Յոլյանը անդրադարձել է Դիլիջանում կայացած հանդիպման տեսանյութին, որում երևում են Ադրբեջանի նախագահի օգնական Հիքմեթ Հաջիևը և Հայաստանի Անվտանգության խորհրդի քարտուղար Արմեն Գրիգորյանը։
Յոլյանի գնահատմամբ՝ հանդիպման ընթացքում Արմեն Գրիգորյանի պահվածքը տպավորություն է ստեղծել, թե իրավիճակը տարածաշրջանում լիովին կայուն է, և բոլոր անվտանգային խնդիրները լուծված են։ Նա նշել է, որ նման պատկերացումը չի համապատասխանում իրականությանը և ընդգծել է առկա մարտահրավերների շարունակականությունը։
Քաղաքական գործիչը նաև քննադատել է ներկայիս իշխանությունների գործունեությունը՝ պնդելով, որ նրանց քաղաքականության հետևանքով ստեղծված իրավիճակը դեռևս չի հանգուցալուծվել և շարունակական ազդեցություն ունի երկրի անվտանգության վրա։
«Արմեն Գրիգորյանն այնպիսի հպարտությամբ ու երջանկությամբ է քայլում, կարծես Շուշին ազատագրել է, ադրբեջանական զորքերը հետ են քաշվել Հայաստանի սուվերեն տարածքներից, իսկ Հայաստանի անվտանգային բոլոր խնդիրները լուծվել են»,- ասել է նա:
Բաց մի թողեք
«Փողով գրողը» արյանս մեջ չկա․ Սոֆյա Հովսեփյանը հայց է ներկայացրել Փաշինյանի դեմ. Տեսանյութ
Ադրբեջանը, խաղացնելով, պարեցնելով, այնքան է «քշելու» ՔՊ-ին, մինչև իր պահանջները կատարվեն․ Աբրահամյան
Հայաստանը ինքնիշխան պետություն է, որի հետ մեզ կապում են առանձնահատուկ հարաբերություններ. Զախարովա