Կաթողիկոսին ԱԺ-ում կփոխարինի՞ կարգալույծ Արամայիս Թախմազյանը, գուցե՝ Արամոն

Կարգալույծ Արամայիս Թախմազյանն այսօր ՔՊ գրասենյակ էր եկել։ Նա խուսափեց պատասխանել, թե ինչու է եկել ՔՊ։

«Թույլ տվեք չպատասխանել»,- ի պատասխան՝ ասաց նախկին հոգևորականը։

Լրագրողները նրանից հետաքրքրվեցին՝ ի՞նքն է Ամենայն Հայոց Կաթողիկոսի փոխարեն Ազգային ժողով գնալու առաջին նիստի օրը, Թախմազյանն ասաց՝ այդ օրը պարզ կլինի։

«Կարող եք հարցն ուղղել Ազգային ժողովին, ես չեմ պատասխանում»,- ասաց կարգալույծը։

Մայր Աթոռի Քարոզչական կենտրոնի տնօրեն Գերաշնորհ Տ. Զաքարիա եպիսկոպոս Բաղումյանը զգոնության կոչ է արել՝ ուշադրություն հրավիրելով սոցցանցերում տարածվող նոր վտանգի վրա։

Սրբազան Հոր խոսքով՝ վերջին շրջանում ակտիվացել են արհեստական բանականության միջոցով ստեղծված կեղծ էջերն ու կերպարները, որոնք ներկայացվում են որպես հոգևորականներ։

Նա կոչ է արել հավատացյալներին զգուշավոր լինել նման բովանդակության նկատմամբ և ստուգել տեղեկատվության իսկությունը։