Երեկ Ադրբեջանի պետական «AZ TV» հեռուստաընկերությունը հերթական անգամ անդրադարձել է այսպես կոչված «Արևմտյան Ադրբեջան» թեմային՝ տարածելով Հայաստանի Հանրապետության նկատմամբ տարածքային նկրտումներ պարունակող տեսանյութ։
Ռեպորտաժում ներկայացվում է Պրահայում անցկացված միջոցառում, որի թեման, ըստ ադրբեջանական կողմի, եղել է «Արևմտյան Ադրբեջանի և Ղարաբաղի պատմամշակութային ժառանգության ցուցադրությունը»։
Տեսանյութում կրկին շրջանառվում են Ադրբեջանի իշխանությունների կողմից տարիներ շարունակ առաջ մղվող կեղծ պատմական թեզերը, որոնք ուղղված են Հայաստանի տարածքի նկատմամբ ադրբեջանական հավակնությունների հիմնավորմանը։
Այն, որ նման բովանդակությամբ ռեպորտաժ է պատրաստում հենց Ադրբեջանի պետական հեռուստաընկերությունը, ևս մեկ անգամ վկայում է, որ «Արևմտյան Ադրբեջան» կոչվող օրակարգը ոչ թե առանձին շրջանակների նախաձեռնություն է, այլ պետական մակարդակով առաջ մղվող քաղաքականություն։
Մինչդեռ Հայաստանում գործող իշխանությունը ոչ միայն պատշաճ գնահատականի չի արժանացնում այս վտանգավոր քարոզչությունը, այլև շարունակում է այն անհիմն կերպով համեմատել Արցախի խնդրի հետ։ Արդյունքում՝ նման մոտեցումը փաստացի նպաստում է Ադրբեջանի տարածքային նկրտումների օրակարգի լեգիտիմացմանը։
https://www.facebook.com/reel/1570028691190365
Բաց մի թողեք
ԱՄՆ նախագահին գործընթացի «մանրուքները չեն հուզում», նրան պետք է Կոնգերսի միջանկյալ ընտրությունները
Երևանի կենտրոնում փոշու պարունակությունն ամբողջ շաբաթ գերազանցել է թույլատրելի շեմը
ԱՄՆ-ն և Իսրայելը քննարկում են Իրանի ցամաքային շրջափակումը․ «The Telegraph»