Հենց այս պահին Հայաստանի ոչ լեգիտիմ խորհրդարանում տեղի է ունենում Հայաստանի՝ դեպի Արևմտյան Ադրբեջան հնարավորինս արագ վերափոխման գաղափարական, տնտեսական և սոցիալական ծրագրի ներկայացումը։
Սա հուզական գնահատական չէ և ոչ էլ ընդդիմադիր տեսակետ։ Սա իրականություն է, որն արտացոլված է Նիկոլ Փաշինյանի յուրաքանչյուր խոսքում, յուրաքանչյուր հույզում և յուրաքանչյուր փաստարկում։
Ըստ էության, Հայաստանի անկախության և ինքնիշխանության մասին բարձրագոչ խոսքերի հետևում կանգնած է Հայաստանն Արևմտյան Ադրբեջանի վերածելու կոշտ և հաշվարկված գործընթացը։ Սկսած այն պնդումներից, թե Հայոց ցեղասպանությունը, ըստ էության, տեղի է ունեցել հենց հայերի մեղքով, և վերջացրած հայտարարություններով, թե նույնիսկ աղոթքներում Արցախի հիշատակումը կարող է հանգեցնել «պատերազմի»։
Հայաստանի ռազմավարական տարածքների հանձնումը՝ սահմանազատման և սահմանագծման պատրվակով, հայկական տնտեսական ներուժի դուրսմղումը՝ հօգուտ Թուրքիայի և Ադրբեջանի, արտաքին մարտահրավերներին դիմակայելու հայ ժողովրդի կամքի փաստացի ոչնչացումը․ այս ամենը Արևմտյան Ադրբեջանի ձևավորման գործընթացի հիմնադրույթներն են։
Եվ միայն կատարյալ ապուշը կամ բացահայտ դավաճանը չի կարող սա չտեսնել։
Արման Աբովյան
Բաց մի թողեք
Մարդու փորը ինչքան պիտի ցավի, որ նման խոսույթը չկանգնեցնի. Տեսանյութ
Չեմ կարող այլևս լսել այդ բարբաջանքները և ոչինչ չանել
Ինչու են քնում դիրքերում․ Սեյրան Օհանյանի դիտարկումները