Հավաքական անվտանգության պայմանագրի կազմակերպությունից (ՀԱՊԿ) Հայաստանի հեռացման մասին որոշումը կազմակերպության անդամ երկրների գերագույն գլխավոր հրամանատարների իրավասությունն է, սակայն անհրաժեշտ կլինի հաշվի առնել բոլոր հանգամանքները:
Այս մասին «ՏԱՍՍ»-ին տված հարցազրույցում հայտարարել է ՀԱՊԿ գլխավոր քարտուղար Թաալատբեկ Մասադիկովը:
«ՀԱՊԿ-ի որոշումը՝ հեռացնել Հայաստանին, թե ոչ, ՀԱՊԿ Հավաքական անվտանգության խորհրդի (ՀԱԽ) որոշումն է, որտեղ խորհրդի անդամներ են հանդիսանում կազմակերպության անդամ մեր երկրների գերագույն գլխավոր հրամանատարները: Այդ որոշումն իրենց տիրույթում է: Բայց ես կարծում եմ, որ որոշումներ կայացնելիս միշտ պետք է հաշվի առնել բոլոր հանգամանքներն ու պահերը», – նշել է նա:
Ինչպես նշել է Մասադիկովը, եթե Հայաստանի ղեկավարությունը, «տվյալ դեպքում վարչապետ Նիկոլ Փաշինյանը, հայտարարել է այդ մասին, ապա, հավանաբար, կան տարբեր օրակարգեր»:
«Քաղաքական գործիչները նրա համար են քաղաքական գործիչ, որպեսզի բարձրացնեն այդ հարցը, բարձրացնեն քննարկման աստիճանը, իսկ հետո իջեցնեն: Պետք չէ առաջ ընկնել իրադարձություններից՝ Հավաքական անվտանգության պայմանագրի կազմակերպությունից (ՀԱՊԿ) Երևանի դուրս գալու վերաբերյալ, քանի որ կա երկրի ղեկավարության կարծիքը, և կա հայ ժողովրդի կարծիքը», – արձանագրել է ՀԱՊԿ գլխավոր քարտուղարը:
Հիշեցնենք, ավելի վաղ Փաշինյանը հայտարարել էր, թե կառավարությունը առաջիկա հինգ տարում մտադիր չէ ակտիվացնել աշխատանքները ՀԱՊԿ-ում, իսկ եթե կառույցից Հայաստանին հեռացնեն՝ ինքը շատ գոհ կլինի։
Բաց մի թողեք
Բելառուսը զորքերը կենտրոնացնում է Լեհաստանի և Լիտվայի հետ սահմանի մոտ՝ ռազմական վարժանքների շրջանակներում
ԵՄ-ն պահանջում է պարզաբանումներ՝ Ֆրանսիայի կողմից ռուս միլիարդատիրոջ նկատմամբ պատժամիջոցների վերացմանն ուղղված քայլերի ֆոնին
Էլի թշնամանք ու սպառնալիքներ՝ հայերի հասցեին․ ի՞նչ է զառանցել այս անգամ