Մոսկվան Քոչարյանի նկատմամբ քրեական գործը անվանել է «քաղաքական բարդ գործընթաց»

Ես հիմա չէի ցանկանա Հայաստանի ներքաղաքական իրադարձությունները մեկնաբանել, այնտեղ շատ բարդ գործընթացներ են։ Օգոստոսի 26-ին լրագրողների հետ հերթական ճեպազրույցին ասել է ՌԴ նախագահի մամուլի քարտուղար Դմիտրի Պեսկովը։

Նա միայն հույս է հայտնել, որ «ամեն ինչ, որ տեղի է ունենում, կընթանա օրենքին խիստ համապատասխան, եւ քաղաքական գործընթացի բոլոր մասնակիցների իրավունքները կհարգվեն»։

Այդ մակարդակի ճեպազրույցում կամ մամուլի ասուլիսում ոչ միայն պատահական հարցեր չեն հնչում, այլև ամբողջ «երկխոսությունը» կառուցվում է պաշտոնական քաղաքականության համատեքստում։ Պեսկովին հարցրել են ԿՀՎ տնօրենի Մոսկվա այցի, ռուս-ուկրաինական պատերազմի և Հայաստանի «ներքաղաքական իրադարձությունների» վերաբերյալ ՌԴ նախագահի տեսակետի մասին։

Կարելի է և, երևի, պետք է հասկանալ, որ պաշտոնական Մոսկվան Հայաստանի «ներքաղաքական գործընթացները» դիտարկում է աշխարհաքաղաքական շատ ավելի լայն «լանդշաֆտում», քան Հայաստանի ինստիտուցիոնալ ընդդիմությունն է ներկայացնում կամ, գուցե, նույնիսկ ընկալում։ Պեսկովը, թերևս առաջին անգամ, բաց խոսել է Կիևի «վարչախմբի ներսից կազմաքանդվելու, դիմակայունունակությունը կորցնելու» մասին։

Վարչապետ Փաշինյանը ԱԺ ամբիոնից բացահայտել է, որ ընդդիմության նպատակը Հայաստանում ՀԱՊԿ «խաղաղապահ ուժերի տեղակայումն» է։ Հարկ է ընդգծել, որ օգոստոսի 25-ին Բելառուսի նախագահ Լուկաշենկոն ընդունել է ՌԴ փոխվարչապետ Մանտուրովին։

Հաջորդ օրը Բելառուսի Ազգային անվտանգության խորհրդի գլխավոր քարտուղար Վոլֆովիչը հայտարարել է, որ զորքերի պատրաստականության ստուգման շրջանակներում «բրիգադներից մեկը մշտական տեղակայման վայրից կհեռա և կկատարի մի քանի առաջադրանքներ՝ ինչպես կորոշի Զինված ուժերի ղեկավարությունը, Գլխավոր շտաբը»։