Բրիտանական թագավորական ընտանիքի բժիշկ Հաննա Թերիին մահացած են գտել Նորֆոլկի Սանդրինգհեմ կալվածքի ծայրամասում գտնվող իր տանը, իսկ նրա ամուսնուն մեղադրանք է առաջադրվել սպանության մեջ, հաղորդում է The Sun-ը։
45-ամյա Թերիի մարմինը հայտնաբերվել է հոկտեմբերի 4-ին։ Հրատարակության տվյալներով՝ նա մահացել է գլխին ստացած բութ առարկայով վնասվածքից։ Նրա ամուսինը՝ Մարկ Քեյնը, արդեն ձերբակալվել է իրավապահ մարմինների կողմից և մեղադրվում է սպանության մեջ։
Թերին բուժել է բրիտանական թագավորական ընտանիքի ավագ անդամներին Սանդրինգհեմում գտնվելու ընթացքում։ Հրատարակության աղբյուրները հայտնում են, որ թագավոր Չարլզ III-ը և թագուհի Կամիլան տեղեկացվել են նրա մահվան մասին։
Նորֆոլկի Սանդրինգհեմ կալվածքը թագավորական նստավայրերից մեկն է և ավանդաբար օգտագործվում է ընտանիքի անդամների կողմից Սուրբ Ծննդյան տոների ժամանակ։
Բաց մի թողեք
Անօդաչու թռչող սարքերի մահացու հարձակումները հարցականի տակ են դնում Եվրոպայի՝ Սև ծովում պաշտպանական կարողությունները. Լուսանկարներ
ԱԹՍ-ների հարձակումներից հետո հրդեհներ են բռնկվել «Յանդեքս» և «Գազպրոմ» ընկերությունների օբյեկտներում
6 տարվա ազատազրկում՝ ՌԴ բանակի համար 43 եվրո փոխանցելու պատճառով