Հավաքական անվտանգության պայմանագրի կազմակերպության (ՀԱՊԿ) անդամ պետությունները կառուցողական համագործակցության զգալի փորձ են կուտակել, սակայն, հաշվի առնելով միջազգային պահպանվող լարվածությունը, անհրաժեշտ է էլ ավելի ամրապնդել համատեղ ջանքերի համակարգումը։
Այս մասին հայտարարել է Ռուսաստանի նախագահ Վլադիմիր Պուտինը՝ Մոսկվայում մեկնարկած «Հավաքական անվտանգության ապահովման» միջազգային ֆորումի մասնակիցներին ուղղված ողջույնի հեռագրում։
Ռուսաստանի ղեկավարը նշել է, որ խոսքը, առաջին հերթին, վերաբերում է պաշտպանության, ահաբեկչությանն ու ծայրահեղականությանը հակազդելու, ինչպես նաև կիբերհանցավորության, թմրամիջոցների ապօրինի շրջանառության և անօրինական միգրացիայի դեմ պայքարի ոլորտներում համագործակցությանը։
Ըստ Պուտինի՝ ֆորումը համախմբել է պետական մարմինների, ռազմական գերատեսչությունների և պաշտպանական արդյունաբերության ներկայացուցիչների, ինչպես նաև գիտնականների ու փորձագետների։ Լիագումար նիստերի և կլոր սեղանների միջոցով մասնակիցները կգնահատեն ժամանակակից մարտահրավերների ազդեցությունը Եվրասիայի աշխարհաքաղաքական պատկերի վրա և կքննարկեն տարածաշրջանային անվտանգությունն ու կայունությունն ամրապնդելուն ուղղված միջոցառումները։
Պուտինը վստահություն է հայտնել, որ ֆորումը կանցնի կառուցողական մթնոլորտում, իսկ դրա առաջարկներն ու նախաձեռնությունները արժեքավոր կլինեն գործնական աշխատանքի համար՝ ի վերջո ծառայելով ի շահ ՀԱՊԿ անդամ պետությունների ժողովուրդների։
Նոյեմբերի 11-ին Պուտինը կնախագահի ՀԱՊԿ Հավաքական անվտանգության խորհրդի նիստը։
Բաց մի թողեք
Մոսկվայի շահը՝ Հայաստանի փակուղին
Արցախի Կաշենի միլիոնները և Սունունու ընտանիքի ամերիկյան հետքը
Հայաստանը չի բարձրացրել ԱՊՀ-ից դուրս գալու հարցը