Երևանը խաղաղության պայմանագրի տեքստը համաձայնեցնելու և ստորագրելու համար Բաքվին առաջարկներ է ուղարկել, այժմ սպասում է արձագանքի։ Փոխարտգործնախարար Պարույը Հովհաննիսյանը, սակայն, չի հստակեցնում՝ երբ են դրանք ուղարկվել և ինչ առաջարկներ են։
Անցած շաբաթ արտգործնախարարն էր տեղեկացրել, որ ադրբեջանական կողմի հետ աշխատում են փաստաթղթի «մեկ-երկու ձևակերպման» համաձայնեցման շուրջ, որից հետո, ըստ Արարատ Միրզոյանի, այն պատրաստ կլինի ստորագրման։ Փոխարտգործնախարարից այսօր հետաքրքրվեցին՝ հաջողվե՞լ է արդյոք համաձայնեցնել այդ ձևակերպումները և ո՞ր փուլում է գործընթացը:
«Նույն փուլում է ու այժմ սպասում ենք ադրբեջանական կողմի արձագանքին», – ասաց Հովհաննիսյանը:
Երևանը օգոստոսին Բաքվին ուղարկել էր խաղաղության պայմանագրի նախագծի իր տարբերակը՝ առաջարկելով արդեն համաձայնեցված կետերով համաձայնագիր ստորագրել, ադրբեջանական կողմը, սակայն, կտրուկ մերժել էր: Իսկ թե երբ է Բաքուն իր պատասխանն ուղարկել Երևանին, չի հաղորդվել։
Նոյեմբերի 5-ին Հայաստանը ստացել է խաղաղության պայմանագրի նախագծի վերաբերյալ ադրբեջանական կողմի պատասխան առաջարկները (նախագծի 11-րդ խմբագրություն):
Այս մասին հայտնել է ՀՀ ԱԳՆ մամուլի խոսնակ Անի Բադալյանը:
Բաց մի թողեք
Փաշինյանը Խուդաթյանի ՏԿԵ նախարար նոր նշանակումից հետո քիչ էր մնում տեղում ազատեր աշխատանքից
Նիկոլ Փաշինյանն անդրադարձել է պաշտոնյաների ազատումներին
Դավիթ Խուդաթյանը կնշանակվի Տարածքային կառավարման և ենթակառուցվածքների նախարար