Գյումրու ավագանու «Քաղաքացիական պայմանագիր» խմբակցության ղեկավար Քնարիկ Հարությունյանը կարծում է՝ Գյումրիում մարդկանց մի խումբ փաստացի վտանգի մեջ է, ինչի ապացույցը համացանցում հրապարակված ձայնագրության մեջ լսվող արտահայտություններն են:
«Բարեպաշտության իրական երեսը:
Ամեն երկրորդ բառը ասել Աստված, մեջբերումներ անել Աստվածաշնչից և սպառնալ գյումրեցիներին: Սա Վարդան Ղուկասյանի գործելաոճն է եղել տարիներ առաջ և հիմա:
Համացանցում տարածվող ձայնագրությունը դրա վառ ապացույցն է: Քրեական գործերով անցնողը սպառնում է ՀՀ քաղաքացուն, այն նույն գյումրեցուն, ում կարիքը հոգալու, հոգսը թեթևացնելու համար աղոթելուց զատ նաև քաղաքապետ դառնալու բաղձանքը ունի:
Գյումրիում մարդկանց մի խումբ փաստացի վտանգի մեջ է, ինչի ապացույցը ձայնագրության մեջ լսվող արտահայտություններն են:
Սիրելի գյումրեցիներ, թույլ չտաք կրիմինալի վերադարձը, դուք պետք է ազատ լինեք ձեր ընտրության մեջ»,- գրել է Հարությունյանը:
Ավելի վաղ հայտնել ենք, որ Գյումրիի նախկին քաղաքապետ, մի շարք քրեական գործերով անցնող և այժմ համայնքի ղեկավարի աթոռին կրկին հավակնող Վարդան Ղուկասյանը՝ Վարդանիկը, հայտնվել է նոր աղմուկի կենտրոնում:
Համացանցում է հայտնվել նրա և անհայտ անձի հեռախոսային խոսակցության ձայնագրությունը, որում Ղուկասյանը սպառնալիքներով պահանջում է կանչել մի շարք մարդկանց և նշում, որ վերջիններս «պրոբլեմ» են ունենալու:
Ներկայացնում ենք խոսակցությունը ստորև.
– Դոմիկները, բանը, խանութներն օր ես տվել եմ՝ մինչև Միկրոյի բանը… (դարպասը-հուշում է զրուցակիցը), հա, ըդոնց մտի թաք-թաք պայմանավորվի, թող սաղ իրար հետ գան մոտս, ժամ պայմանավորվի ու ըսա, իրիկունվա կողմ:
-Մե 2 հոգի կան, մեռել են, իրանց տեղը կանգնողներին եմ ըսել, մնացածին սաղին ըսել եմ, ժամը 6:30 կհավաքվին, կառնիմ գուկամ:
-Ըսա պո*նիկներ, էդ սաղ ինքն է ձեզի տվել, մինչև հմի օր տներդ կպահեք գյո*եր, ինքն է տվել, ես կանցնիմ, բայց դուք հետո պրոբլեմ կունենաք, եթե ձեզի չպահեցիք:
ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը «Ֆեյսբուք»-ի իր էջում անդրադարձել է Վարդան Ղուկասյանի հեռախոսային խոսակցության ձայնագրությանը:
«Հայաստանի քաղաքացու մասին էս բառապաշարով խոսողը Հայաստանում իսկի ժեկի պետ չպիտի լինի ու չի էլ լինի։
Իսկ պատասխանը կստանա թե մեզնից, թե գյումրեցուց՝ մարտի 30-ին»,- գրել է Ալեքսանյանը:
Ավելի վաղ հայտնել ենք, որ Գյումրիի նախկին քաղաքապետ, մի շարք քրեական գործերով անցնող և այժմ համայնքի ղեկավարի աթոռին կրկին հավակնող Վարդան Ղուկասյանը՝ Վարդանիկը, հայտնվել է նոր աղմուկի կենտրոնում:
Համացանցում է հայտնվել նրա և անհայտ անձի հեռախոսային խոսակցության ձայնագրությունը, որում Ղուկասյանը սպառնալիքներով պահանջում է կանչել մի շարք մարդկանց և նշում, որ վերջիններս «պրոբլեմ» են ունենալու:
Բաց մի թողեք
Երևանը մնում է ՀԱՊԿ-ի լիիրավ անդամ․ Գալուզին
Ալիևը վերապահում է միայն Դոնալդ Թրամփի իրավասությանը
Ֆրանսիան ինչո՞ւ է Ալիևին հնարավորություն ընձեռել ․․․