Սա պարզապես հարձակում չէր։ Սա նաև ուղերձ էր։ Ուկրաինան կիրակի օրը կարողացավ խոցել Սիբիրում գտնվող ռուսական ռազմակայաններ՝ կիրառելով անսպասելի և գրեթե հոլիվուդյան ֆիլմերի սցենարով։
Պատկերացրեք բեռնատարի թափքում տեղադրված փայտե տաղավար, որի մետաղյա տանիքը հեռակառավարմամբ բացվում է։ Եվ հենց այնտեղից դուրս են գալիս փոքր դրոնային ուղղաթիռները։ Դրանք բարձրանում են՝ առանց որևէ աղմուկի, և ուղիղ հարվածում ռազմաբազայում կայանած Տու-22Մ և Տու-95 ռազմավարական ռմբակոծիչներին։
Այս գործողությունը՝ «Սարդոստայն» ծածկանունով, ըստ ուկրաինական անվտանգության ծառայության ներկայացուցչի, համակարգվել է անձամբ նախագահ Վլադիմիր Զելենսկու և ՍԲՈւ ղեկավար Վասիլ Մալյուկի կողմից։ Եթե պաշտոնապես հաստատվեն ուկրաինական կողմի հայտարարությունները, ապա խոսքը չորս ռազմակայանների վրա միաժամանակյա հարձակման և մինչև 41 ռազմական օդանավի ոչնչացման մասին է։
Տեսանյութերը և լուսանկարները, որոնք տարածվել են ռուսական սոցցանցերում, ցույց են տալիս ռազմակայաններում այրվող ռմբակոծիչներ։ Միևնույն ժամանակ, Իրկուտսկի մարզպետը հաստատել է հարվածը, սակայն չի նշել կոնկրետ թիրախը։
Այս հարձակումը ցույց է տալիս, որ Ուկրաինան կարող է ծանր հարվածներ հասցնել Ռուսաստանի խորքում։
Սա նաև զգուշացում է Մոսկվային՝ աշխարհագրական հեռավորությունն այլևս երաշխիք չէ անվտանգության համար։
Շարունակեք մնալ «Թամրազյանի հետ» ՝ այսպիսի խորքային, ուղիղ և մերօրյա մեկնաբանությունների համար։
Բաց մի թողեք
Փաշինյանը պարզապես չի հասցնի դա անել, ժամանակը քիչ է՝ Արարատը սասանելու համար
Հավերժ ուսանող մարզպետը․ Կարեն Սարգսյանն ինչո՞վ է զբաղվել 2015-2019 թթ․-ներին, հայտնի չէ
«Կխեղդվեք ձեր թափած արյան մեջ. Թույլ չենք տա պղծել Արևելյան Երուսաղեմը». Էրդողան