«Կալուգինի (TRIPP նախագծին Ռուսաստանի մասնակցության «հիմնավորումների» մասին ՌԴ ԱԳՆ ԱՊՀ երկրների չորրորդ դեպարտամենտի տնօրենի) հայտարարությունը, ըստ ամենայնի, նախանշում է տարածաշրջանում դրամատիկ գործընթացների մեկնարկ:
Խոսքը Հայաստանի տարածքի և պարտավորությունների մասին է, բայց այդ հարցն ամենաուղղակի իմաստով շոշափում է Ադրբեջանի, Թուրքիայի և, իհարկե, ամբողջ թուրքական աշխարհի շահերը:
Նախագծի իրականացմամբ շահագրգռված են Կենտրոնական Ասիայի երկրները: Չխոսած այն մասին, որ Դոնալդ Թրամփն այն քաղաքական գործիչը, որ լուռ կհանդուրժի, եթե Հայաստանը չկատարի ստանձնած պարտավորությունները, որոնց տակ նա ուղղակի և փոխաբերական իմաստով ստորագրել է նրա առանձնասենյակում»,- գրում է Բաքվի իշխանական minval politika-ն:
Առաջին հայացքից կարելի է տպավորություն ունենալ, թե Ադրբեջանի իշխանությունները «չափազանց մտահոգ են», որ Ռուսաստանը «Թրամփի ուղի» նախագծին մասնակցության հայտ է ներկայացրել և նույնիսկ «կարող են Հայաստանին օգտակար լինել», բայց ադրբեջանական քարոզչությունը միշտ չէ, որ կարողանում է «ինքնապաշտպանվել»:
Բացառություն չէ նաև այս հրապարակումը, որտեղ «փակագծերի մեջ», հղում անելով նախկին արտգործնախարար Զուլֆուգարովին, ասված է այն, ինչ պաշտոնական Բաքվի տեսակետն է, «երկաթուղու Մեղրիի հատվածն, այո, անցնում է Հայաստանի տարածքով, բայց խորհրդային շրջանում կառավարվել է Ադրբեջանի կողմից»:
Ըստ նախկին արտգործնախարար Զուլֆուգարովի, այդ «իրողության անտեսումը Ալմաթիի Հռչակագրի կոպտագույն խախտում է»:
Ռուսաստանի ԱԳՆ ԱՊՀ երկրների չորրորդ դեպարտամենտի տնօրենի խոսույթն ամբողջովին կառուցված է խորհրդային և ՌԴ հովանու ներքո ձևավորված հետխորհրդային իրողությունների վրա:
Այս առումով Ադրբեջանի նախկին արտգործնախարարի կողմից Ալմաթիի Հռչկագրի «կոպիտ խախտման» մասին խոսույթը փաստացի վկայում է, որ Բաքուն և Մոսկվան «երկաթուղու Մեղրիի հատվածի» իրավական կարգավիճակի մասին նույն, կամ շատ մոտ տեսակետն ունեն:
Թրամփի առանձնասենյակում ուղղակի և փոխաբերական իմաստով աշխարհաքաղաքական նշանակության պարտավորություն ոչ թե Հայաստանը, այլ Ադրբեջանն է ստանձնել՝ ճանաչել Հայաստանի տարածքային ամբողջականությանը, «Մեղրիի անցուղու» նկատմամբ նրա անառարկելի իրավազորությունը:
Այդ պարտավորությունը Ալիևի «կոկորդին ոսկոր է»: Պարզապես ուշադրություն է հայցում փաստը, որ ԱՊՀ երկրների չորրորդ դեպարտամենտի տնօրենը «Թրամփի ուղի» նախագծի նկատմամբ հավակնություններ է բացահայտել Բաքվում ՌԴ փոխարտգործնախարար Գալուզինի երկօրյա այցից ոչ լրիվ մեկ շաբաթ հետո:
Իսկ Գալուզինը քննարկումներն ամփոփել է արտաքին քաղաքականության հարցերով Ալիևի օգնական Հաջիևի հետ: Պատահական համընկնո՞ւմ է: Հազիվ թե:
Բաց մի թողեք
Ներքաղաքական առկա իրավիճակը Վրաստանին Եվրոպայից ավելի է հեռացնում
Գերմանիայում Ադրբեջանի քաղաքացու կողմից պետական հանցանք է կատարվել, արդյոք «ահաբեկիչներ են գործում»
Ռուսաստանը կարող է ներքին թշնամի ստանալ՝ իսլամական ծայրահեղականության կողմից