ԱՄՆ պետք է «վտարի» Չինաստանին, Ռուսաստանին, Իրանին և Կուբային և խզի տնտեսական կապերը

Վենեսուելայի իշխանությունները պետք է բավարարեն Սպիտակ տան պահանջները, նախքան ավելի շատ նավթ արդյունահանելու թույլտվություն ստանալը, հաղորդում է ABC News-ը՝ հղում անելով ԱՄՆ վարչակազմի ծրագրին ծանոթ երեք աղբյուրների։

Վարչակազմը պահանջները փոխանցել է Վենեսուելայի ժամանակավոր նախագահ Դելսի Ռոդրիգեսին։

Նախ, երկիրը պետք է «վտարի» Չինաստանին, Ռուսաստանին, Իրանին և Կուբային և խզի տնտեսական կապերը, ասել են աղբյուրները։ Երկրորդ, Վենեսուելան պետք է համաձայնի նավթի արդյունահանման հարցում բացառապես ԱՄՆ-ի հետ համագործակցել և ծանր նավթ վաճառելիս նախապատվություն տալ ԱՄՆ-ին, հավելել են աղբյուրները։

Ավելին, աղբյուրներից մեկի համաձայն, ԱՄՆ պետքարտուղար Մարկո Ռուբիոն հունվարի 5-ին փակ դռների ետևում օրենսդիրների հետ հանդիպմանը կարծիք է հայտնել, որ ԱՄՆ-ն կարող է ճնշում գործադրել Վենեսուելայի վրա, քանի որ նրա առկա նավթատարները լիքն են։ Ռուբիոն նաև օրենսդիրներին ասել է՝ ԱՄՆ-ն գնահատում է, որ Կարակասը ընդամենը մի քանի շաբաթ ունի, մինչև իր նավթային պաշարները չվաճառելով ֆինանսապես անվճարունակ դառնա։

Ավելի վաղ ԱՄՆ նախագահ Դոնալդ Թրամփը հայտարարել էր, որ Վենեսուելայի ժամանակավոր իշխանությունները ԱՄՆ-ին կփոխանցեն 30-ից 50 միլիոն բարել նավթ։ Թրամփի խոսքով՝ նավթը կվաճառվի շուկայական գներով, և նախագահը անձամբ կվերահսկի միջոցները՝ «ապահովելու համար, որ դրանք օգտագործվեն Վենեսուելայի և Միացյալ Նահանգների ժողովուրդների օգտին»։

Վենեսուելան ունի աշխարհում ամենամեծ նավթի պաշարները (մոտավորապես 17%), բայց վատ կառավարման, ազգայնացման և պատժամիջոցների պատճառով այն արտադրում է աշխարհի նավթի 1%-ից պակաս։

2025 թվականի դեկտեմբերի կեսերին Թրամփը արգելք դրեց բոլոր պատժամիջոցների տակ գտնվող տանկերների վրա, որոնք ուղևորվում են Վենեսուելա։ Հունվարի 3-ին, Մադուրոյին ամերիկյան ուժերի կողմից գերի վերցնելուց հետո, ԱՄՆ նախագահը հաստատեց, որ նավթային էմբարգոն ուժի մեջ կմնա։