Ինչ ոճով են Քիմ Քարդաշյանն ու նրա ընտանիքի անդամները ներկայացել «Օսկար»-ի մրցանակաբաշխությանը. Լուսանկարներ

«Օսկար»-ի մրցանակաբաշխությունը հոլիվուդյան աստղերի համար լավագույն հարթակն է՝ ներկայանալու նորաձև զգեստներով:

Այդ բազմազանության մեջ իրենց շքեղ տեսքով երեկույթին առանձանում են հատկապես հայազգի համաշխարհային աստղ Քիմ Քարդաշյանը, նրա փոքր քույրերն ու Քիմի մայրը:

Նրանք բոլորն էլ «Օսկարի 2024» բուն արարողությունից հետո մասնակցել են «Vanity Fair Oscars» երեկույթին՝ նշելու 96-րդ մրցանակաբաշխությունը։

43-ամյա չորս երեխաների մայրը, չնայած տարիքին, կրկին բոլորին ցնցել է իր տեսքով․ Քիմը նախընտրել է կրել «Բալենսիագա» նորաձևության տան ատլասե կտորից ու գեղեցիկ բացվածքով սպիտակ երկարավուն զգեստ, որը հիանալի ընդգծել է նրա կազմվածքը։ Զգեստը նա համադրել է շողացող քարերով օղերի հետ:

Յուրահատուկ տեսք է ունեցել նաև Քիմի սանրվածքը, որը որոշ ոճաբաներ բնութագրել են «ագռավի ոճով սանրվածք»։ Աստղը տեսքն ամբողջացրել է վառ շագանակագույն լինզաններով և աչքերի գեղեցիկ դիմահարդարմամբ։

26-ամյա Քայլի Ջեների տեսքը ոճաբանները նկարագրել են հետևյալ բառերով․ համարձակ, զգայուն և իդեալական։

Երիտասարդ աստղին իր նորաձև զգեստի հարցում օգնել է հոլիվուդյան ամենառիսկային հագուստի դիզայները՝ Լյուդովիկ դե Սեն Սերնինը։ «Vanity Fair Oscars» երեկույթի կարմիր գորգին Քայլին ներկայացել է ազնվամորու երանգով, որովայնի հատվածում նրբագեղ ծաղկային դիզայնով զարդարված երկարավուն զգեստով։

Քենդալ Ջեններն էլ ժամանել է սև էլեգանտ ժանյակավոր զգեստով, որի թափանցիկությունը ընդգծել է 28-ամյա մոդելի նախանձելի կազմվածքը։ Զգեստը պատրաստվել է հեղինակավոր «Maison Margiela» նորաձևության տան 2024 թվականի նորաձևության գարուն-ամառ հավաքածուի շրջանակներում։

Վառ կարմիր շրթներքը Քենդալլին առավել գրավչություն է հաղորդել։

Քարդաշյան-Ջեններ քույրերի մայրը՝ Քրիս Ջենները, մրցանակաբաշխությանը նվիրված միջոցառմանը հրավիրվել է իր ընկերոջ՝ Քորի Գեմբլի հետ։ Քրիսի զգեստը, ոճաբանների խոսքով, չի տարբերվել նախկինում նրա կրած այլ հայտնի զգեստներից։