Գեներալ Մանվելի Գրիգորյանի դստեր՝ Արմավիրի մարզի դատավոր Նաիրա Գրիգորյանի օգնականը կալանավորվել է:
Այս մասին հայտնեցին ՀՀ քննչական կոմիտեից՝ նշելով, որ անձին ներկայացվել է մեղադրանք առանձնապես խոշոր չափերով խարդախություն կատարելուն օժանդակելու համար։
«Այլ տեղեկատվություն այս պահին հրապարակման ենթակա չէ»,- հավելեցին ՔԿ-ից:
Հունվարին Արմավիրի մարզի ընդհանուր իրավասության դատարանի դատավոր Նաիրա Գրիգորյանի նկատմամբ կարգապահական վարույթ էր հարուցվել՝ հարազատ հորեղբոր որդու գործով ինքնաբացարկ չհայտնելու համար։
Հունվարի 29-ին Բարձրագույն դատական խորհուրդը հրապարակեց որոշումը։ Քննելով արդարադատության նախարար Գրիգոր Մինասյանի միջնորդությունը՝ Արմավիրի մարզի առաջին ատյանի ընդհանուր իրավասության դատարանի դատավոր Նաիրա Գրիգորյանին կարգապահական պատասխանատվության ենթարկելու վերաբերյալ, ԲԴԽ-ն որոշել էր բավարարել այն. Նաիրա Գրիգորյանին նախազգուշացում էր հայտարարվել:
Բաց մի թողեք
Ծեծկռտուք՝ Արմավիրի մարզում․ 53-ամյա տղամարդուն երեք հոգով «BMW» մակնիշի ավտոմեքենայով տեղափոխել են այլ վայր, ապա երեխաների ներկայությամբ ծեծի են ենթարկել
Կրակոցներ՝ Արարատի մարզում․ Վեդիում 26-ամյա տղամարդը տանը` իրեն պատկանող ատրճանակով, մի քանի կրակոց է արձակել
Սեւանի սկանդալային սպանության գործով Նորատուսցի Արայի որդին արդարացվեց ամենածանր հոդվածներով