Նիկոլ Փաշինյանը կառավարությունում ընդունել է Հայաստանում հավատարմագրված ԵՄ երկրների դեսպաններին, ԵՄ հայաստանյան ներկայացուցիչը ներառյալ:
Քննարկվել են թե՛ Հայաստան-ԵՄ հարաբարությանը, թե՛ ռեգիոնալ անվտանգությանը, հայ-ադրբբեջանական գործընթացին, ԵՄ դիտորդական առաքելությանն ու ճանապարհների ապաշրջափակմանը վերաբերող հարցեր:
ԵՄ ներկայացուցիչը հայտարարել է, որ Եվրամիությունն աջակցում է Հայաստանի ինքնիշխանությանն ու «Խաղաղության խաչմերուկ» ծրագրին: Իհարկե, հարկ է դուրս գալ այդ դիվանագիտական ստանդարտից, քանի որ գրեթե վեր է կասկածից, որ ԵՄ դեսպանների ու ԵՄ ներկայացուցչի այցը կառավարությունը թերևս պայմանավորված չէ այդ հավաստիացումն անելու անհրաժեշտությամբ, դա հնարավոր էր նաև առանց բազմանդամ այցի:
Հատկանշական է, որ այցը տեղի է ունենում Հայաստանում ներիշխանական հերթական սկանդալի ֆոնին: Իհարկե, այդօրինակ այցերը սովորաբար կազմակերպվում են ավելի վաղ՝ դեսպանների և վարչապետի օրակարգը, և՛ ժամանակացույցը համաձայնեցնելու համար, բայց ԵՄ դեսպանները թերևս վարչապետի հետ հանդիպմանը փորձ արած կլինեն շոշափել, թե արդյո՞ք Հայաստանում կա ներիշխանական անկառավարելիության որևէ վտանգ:
Ի վերջո, դա միայն Հայաստանի ներքին հարց չէ, ըստ այդմ՝ անգամ արտաքին օրակարգով հետաքրքրության պարագայում ներիշխանական այդ հարցը ունի էական նշանակություն:
Միևնույն ժամանակ էական խնդիրներից կամ հարցերից մեկն այն է, թե Երևանն ու ԵՄ-ն ինչ քննարկումներ ունեն Հայաստանում ԵՄ դիտոորդական առաքելության հեռանկարի առնչությամբ, որի ժամկետը լրանում է ընթացիկ տարվա դեկտեմբերին:
Այս հարցը հատկապես էական է այն համատեքստում, որ Ադրբեջանը կարծես թե ձեռնամուխ է եղել դրա շուրջ Եվրամիությանը սակարկություն առաջարկելու գործին: Իսկ այստեղ կարող են ի հայտ գալ մի շարք խութեր, եթե Բրյուսելը ցուցաբերի սակարկության հակվածություն կամ պատրաստակամություն:
Իսկ ԵՄ խոսնակ Պիտեր Ստանոն ասել է, որ պատրաստ են շարունակել այդ հարցում Ադրբեջանի հետ գործակցությունը: Արդյո՞ք կառավարությունում տեղի ունեցած հանդիպմանը ԵՄ ներկայացուցիչն ու երկրների դեսպանները շոշափել են հնարավոր «բազմակողմ» սակարկության շրջանակը, այդ հարցում Երևանի այսպես ասած «կարմիր գծերը»:
Բաց մի թողեք
Թրամփը շարունակում է սրել իր առևտրային սպառնալիքները։ Այս անգամ Եվրոպան չի կծում
Սեուտայի ճգնաժամ. ԵՄ 22 առաջնորդներ միավորվում են Իսպանիայի Սանչեսի դեմ նրա միգրացիոն քաղաքականության պատճառով
Չենք կարող թույլ տալ որևէ մեկին մուտք գործել մեր Միություն՝ առանց մեր կանոնները հարգելու․ Եվրահանձնաժողովի նախագահ. Լուսանկար