Ամերիկացի միլիարդատեր Իլոն Մասկի կենսագիր Սեթ Աբրամսոնն ասել է, որ Space X-ի սեփականատերը խորապես հիվանդ է և «կարող է խելագարվել»։ Այս մասին նա գրել է X սոցիալական ցանցում։
«Ես լավ հիմքեր ունեմ ենթադրելու, որ Իլոն Մասկը կարող է խելագարվել։ Ես Մասկի կենսագիրն եմ, ով հետևել է համացանցում նրա վարքագծին վերջին երկու տարիների ընթացքում, և հաշվի առնելով, որ նա ընդունել է հոգեկան հիվանդությունների առկայությունը, թմրանյութեր օգտագործելը և ծայրահեղ սթրեսը, այժմ հիմքեր կան մտավախություն ունենալու, որ նա կարող է խորապես հիվանդ լինել», – ասել է Աբրամսոնը:
Նրա խոսքով, եթե Մասկը չունենար քաղաքակրթության համար կարևոր ձեռնարկություններ, իրավիճակը մտահոգության տեղիք չէր տալիս։
«Սակայն Մասկի մերձեցումը նախագահությանը նշանակում է, որ նրա խելագարությունը և աշխարհում բռնության աճող դրդումը մեզ բոլորիս վտանգի են ենթարկում»,- ասել է միլիարդատիրոջ կենսագիրը։
Աբրամսոնը կոչ է արել ամերիկյան ներկայիս վարչակազմին շտապ քայլեր ձեռնարկել «Ամերիկան Իլոն Մասկից պաշտպանելու համար»։
Մասնավորապես, նա առաջարկում է խզել միլիարդատիրոջ հետ բոլոր պայմանագրերը, դատական հայցեր ներկայացնել՝ արգելափակելու նրա DOGE նախաձեռնությունը, ինչպես նաև հետաքննություն սկսել նրա դեմ։
«Եթե որևէ քայլ չձեռնարկվի, իսկ ես կասկածում եմ, որ որևէ քայլ չի ձեռնարկվի, ապա այն, ինչ այս մարդն իր աճող խելագարության մեջ կանի Ամերիկային որպես նախագահ առաջիկա տարիներին (եթե դա տեղի ունենա), կթափվի ոչ միայն նրան աջակցողների գլխին, այլև նրանց, ովքեր անտեսել են նման հրատապ, վավերական զգուշացումները»,- ասել է Աբրամսոնը:
Բաց մի թողեք
Պուտինը շտապ և անսպասելի վերադարձել է Կրեմլ. Ինչն է պատճառը
Թրամփը պահանջել է անհապաղ դադարեցնել Ուկրաինայում հակամարտությունը
ԱՄՆ-ում կդադարեցվի՞ ծննդյան իրավունքով քաղաքացիությունը