Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը լրագրողների հետ ճեպազրույցում անդրադարձել է Հայաստանի և Ադրբեջանի միջև սահմանազատման գործընթացին։
Նա հայտարարել է, որ իր համար ընդունելի է սահմանազատման գործընթացի մեկնարկը և դրա ավարտը. «Խնդիրն այն է, որպեսզի սահմանազատման ընթացքը չկասեցվի։ 2024 թվականին ամենաէական ձեռքբերումը այն է, որ մենք մեկս մյուսի վրա չենք կրակել»։
Նրա խոսքով՝ ամեն մի խաղաղ օր պետք է ճիշտ օգտագործել՝ բանակի հիմքերն ամրացնելու և մեկս մյուսին հանդուրժելու տեսանկյունից. «Այսօրվա խորհուրդը պետք է լինի միավորող։ Այն հիմքերը, որ դրվել են 1990-ականներին և 1994 թվականին, դարձել են հակառակորդին հրադադարը պարտադրելու հիմք»։
Ժամանակակից բանակը հատուկ նշանակության ստորաբաժանումների տրամաբանության մեջ գործող բանակ է՝ անկախ նրա մեծությունից և թվաքանակից,- ասաց Անդրանիկ Քոչարյանը՝ անդրարադառնալով Հայաստանի զինված ուժերի բարեփոխումների գործընթացին՝ հատուկ նշանակության ստորաբաժանումների զարգացման համատեքստում. «Դրանք փոքր ստորաբաժանումներ են մեծ խնդիրներ լուծելու համար։ Սա նշանակում է, որ պետք է ունենաս ժամանակակից սպառազինություն և դա կիրառելու համար լավ գիտելիքներ ունեցող զինվորականություն։ Դա է մեր նպատակը և դա է մեր քաղաքականությունը, որը մենք քայլ առ քայլ փորձում ենք դարձնել իրականություն»։
Նրա խոսքով՝ դա շատ բարդ, բայց միաժամանակ անհրաժեշտ ճանապարհ է։
Բաց մի թողեք
Հայկ Սարգսյանը հենց 2018թ-ից է օլիգարխ դառնալու հավակնություններ ունեցել. վարչապետը նշել է՝ ինչ է տեղի ունեցել
«Անկախության հռչակագիրը մեր պետականության անբաժանելի հիմքն է»
Հայաստանը մտադիր է գործարկել առնվազն 3 արբանյակ․ Փաշինյանը մասնակցել է Միջազգային տիեզերական գագաթնաժողովին, հանդիպումներ ունեցել․ Լուսանկարներ