Երևանի պետական համալսարանը առավոտյան 8.50-ին մոտ միայն հայտարարություն է տարածել այն մասին, որ այսօր դասերը կլինեն հեռավար.
«Հարգելի՛ ուսանողներ և դասախոսներ, եղանակային անբարենպաստ պայմանների պատճառով ԵՊՀ-ում այսօր դասերը կանցկացվեն հեռավար ձևաչափով»,- ասված է հայտարարության մեջ:
Հիշեցնենք, որ մեկ շաբաթ է, ինչ օդերևութաբանները զգուշացնում են եղանակային պայմանների կտրուկ վատթարացման մասին, որ առատ ձյուն է գալու մայրաքաղաքում, որ մի քանի օր ձյունը շարունակվելու է, սակայն ԿԳՄՍ նախարար Ժաննա Անդրեասյանը դպրոցներում դասերը այսօր չեղարկելու մասին որոշում կայացրեց միայն կեսգիշերին մոտ, երբ Երևանը ուղղակի կաթվածահար վիճակում էր:
Հայաստանի մայր բուհն էլ, փաստորեն, ուսանողներին ու դասախոսներին դասերը չեղարկելու մասին զգուշացնում է դասերը սկսվելուց տաս-քսան րոպե առաջ միայն, երբ նրանց մեծ մասը կա՛մ հասել է բուհ, կա՛մ ճանապարհին է:
ժամը 9։00-ին, ԵՊՀ-ի ֆեյսբուքյան էջում հաղորդագրություն տեղադրվեց, որով ուսանողներին տեղեկացրեցին դասերը հեռավար կազմակերպելու մասին։
Բաց մի թողեք
Փոքր դպրոցներում կարիք կա՞ր վարչատնտեսական մասի համակարգողներ նշանակելու
Աշակերտների տեղափոխման փողը տվել են, բայց ասում են՝ դպրոցի փակման որոշումը չկա
Քննություններից բացի՝ մոտիվացիոն նամակ ու հարցազրույց․ ինչ է փոխվելու բուհերի ընդունելության կարգում