Ռումինիայի նախագահական ընտրություններում հաղթել է Բուխարեստի քաղաքապետ Նիկուշոր Դանը. նա երկրորդ փուլում հաղթել է արմատական աջակողմյան թեկնածու և եվրոսկեպտիկ Ջորջ Սիմիոնին։
Եվրոպամետ Դանը հավաքել է ձայների գրեթե 54 տոկոսը, հաղորդում է «Ազատություն» ռադիոկայանի ռումինական ծառայությունը, Սիմիոնը՝ ձայների մոտ 46%-ը։
Սիմիոնը հասցրել էր հայտարարել ընտրություններում իր հաղթանակի մասին, բայց հետո ընդունեց պարտությունը։
Ռումինիայում կրկնակի նախագահական ընտրությունների առաջին փուլը տեղի է ունեցել մայիսի 4-ին։ Այդ ժամանակ հաղթել էր Սիմիոնը՝ հավաքելով ձայների 40.5%-ը։ Նիկուշոր Դանը հավաքել էր 21%:
Telegram-ում և Twitter-ում շրջանառվում են բացարձակապես անհիմն մեղադրանքներ, թե իբր Ֆրանսիան միջամտել է Ռումինիայի նախագահական ընտրություններին։ Ֆրանսիան կտրականապես հերքում է այդ մեղադրանքները և բոլորին կոչ է անում գործել պատասխանատու կերպով և հարգել ռումինական ժողովրդավարությունը: Այս մասին հայտարարել է Ֆրանսիայի ԱԳՆ-ն:
«Ռումինիայում անցյալ տարվա դեկտեմբերին կայացած նախագահական ընտրությունների առաջին փուլը ինքնիշխան կերպով չեղյալ է հայտարարվել Ռումինիայի իրավասու մարմինների կողմից՝ Ռուսաստանի հետ կապված սուբյեկտների կողմից իրական թվային և ֆինանսական միջամտությունից հետո։
Ռումինական իշխանությունների և Եվրոպական հանձնաժողովի կողմից անցկացված հետագա հետաքննությունները հաստատել են այս միջամտության լրջությունը, այդ թվում՝ TikTok-ի ալգորիթմի մանիպուլյացիայի առումով։
Այս համատեքստում Ֆրանսիայի դեմ վերջերս հնչած մեղադրանքները պարզապես շեղող միջոց են՝ Ռումինիայի գործերին միջամտելու իրական սպառնալիքների ֆոնին։ Ֆրանսիան Ռումինիայի բոլոր քաղաքական գործիչներին կոչ է անում ցուցաբերել պատասխանատվություն և պաշտպանել ժողովրդավարությունը»,- ասվում է Ֆրանսիայի ԱԳՆ հայտարարության մեջ։
Դրանում հիշեցվում է, որ Ֆրանսիան, որպես գործընկեր և բարեկամ, Ռումինիայի կողքին էր նրա՝ ԵՄ-ին անդամակցության, բարեփոխումների, Շենգենյան գոտի մտնելու և առաջընթացի ժամանակ. «Այդ թվում՝ իր անվտանգության համար, օրինակ՝ մեր զինվորներին ուղարկելով Ուկրաինա Ռուսաստանի ներխուժման մեկնարկից հինգ օր անց՝ 2022 թվականի փետրվարին։
Ֆրանսիայի մասին ստելը, նրան վիրավորելը նշանակում է ոչնչացնել այս պատմությունը»։
Ռումինիայի իշխանությունները պաշտոնապես մեղադրել են Ռուսաստանի Դաշնությանը նախագահական ընտրություններին հերթական անգամ միջամտելու համար։
Ինչպես հաղորդում է ՈՒՆԻԱՆ-ը, Ռումինիայի ԱԳՆ մամուլի խոսնակ Անդրեյ Տարնեան X միկրոբլոգում գրել է, որ սոցիալական ցանցերում արձանագրել են կեղծ լուրերի մի ամբողջ արշավ, որի նպատակն է ազդել երկրում ընտրական գործընթացի վրա։
«Ռումինիայում անցկացվող նախագահական ընտրությունների ժամանակ մենք կրկին տեսնում ենք Ռուսաստանի միջամտության նշաններ: Telegram-ում և այլ սոցիալական ցանցերում կեղծ լուրերի վիրուսային արշավը նպատակ ունի ազդել ընտրական գործընթացի վրա: Սա սպասելի էր, և իշխանությունները բացահայտել են կեղծ լուրերը»:
Բաց մի թողեք
Ով ով է և ինչպես
Ներքաղաքական ի՞նչ զարգացումներ կընթանան Իսրայելում և Իրանում
ԱՄՆ նախագահը փորձում է նեղը գցել ռուսաստանցի պաշտոնակցին