Հայաստանի անդամակցությունը Եվրամիությանը այս պահին բացարձակապես անիրատեսական է։
Այս մասին հայտարարել է Եվրախորհրդարանում «Այլընտրանք Գերմանիայի համար» (AfD) պատվիրակության ղեկավարի տեղակալ և Մարդու իրավունքների կոմիտեի համակարգող Տոմաշ Ֆրյոլիխը։
«Կարծում եմ՝ այս փուլում դա բացարձակապես անիրատեսական է, և ես սա ասում եմ որպես անձնավորություն, ով մեծ համակրանք ունի Հայաստանի նկատմամբ», – ասել է նա ավստրիական Auf1 պորտալի համար հոդվածում, հաղորդում է ՏԱՍՍ-ը։
Ֆրյոլիխը բացատրել է, որ Հայաստանի անդամակցությունը հակասում է ԵՄ ռազմավարական շահերին։ «Եվ սա, ի թիվս այլնի, կապված է այն փաստի հետ, որ Ադրբեջանը կարևոր դեր է խաղում ԵՄ-ի համար, – շարունակել է նա, – Եվրամիությունն ունի ընդհանուր շահեր Ադրբեջանի հետ, հատկապես այն բանից հետո, երբ Ռուսաստանը գործնականում դադարեց լինել էներգակիրների մատակարար։ Այս համատեքստում Ադրբեջանը մասամբ զբաղեցրել է նրա տեղը, իսկ Բաքվի կարևորությունը Բրյուսելի համար աճել է»։
AfD-ի ներկայացուցիչը ընդգծել է, որ ԵՄ-ի մերձեցումը Հայաստանի հետ՝ ի վնաս Ադրբեջանի, «չափազանց անհավանական» և «պարզապես անիրատեսական» է։
Այս համատեքստում քաղաքական գործիչը ուշադրություն է հրավիրել Բրյուսելի կրկնակի չափանիշների վրա. «ԵՄ-ն չի աջակցում Հայաստանին այնտեղ, որտեղ դա իսկապես անհրաժեշտ կլիներ, և միևնույն ժամանակ ակտիվորեն համագործակցում է Ադրբեջանի հետ: Սա ինքնին անպայման վատ բան չէ, բայց այն հստակորեն հակասում է այն հռետորաբանությանը, որը սովորաբար օգտագործում է Բրյուսելը»:
Բաց մի թողեք
Փաշինյանի ռեժիմը գործում է Բաքվի ռեժիմի ձեռագրով` ֆիզիկական բռնnւթյան է ենթարկում այլախոհներին, կանանց, երիտասարդ աղջիկներին. Մարիաննա Ղահրամանյան
Ընտրություններից առաջ եկեք մի քանի կարևոր քաղաքական հարցեր քննարկենք․ Տեսանյութ
Մի խորհրդանիշ, որը ես օգտագործել էի սեր արտահայտելու համար, օգտագործվում է քաղաքական նպատակներով