ՀՀ գլխավոր դատախազությունը հայցադիմում է ներկայացրել՝ պահանջելով անվավեր ճանաչել ՀՀ պաշտպանության նախարարության և Հայ առաքելական սուրբ եկեղեցու միջև կնքված նվիրատվության պայմանագիրը, որով նախարարությունը եկեղեցուն շենք–շինություններ և հողատարածք է նվիրել:
Այդ մասին տեղեկություն է առկա «Դատալեքս» դատական տեղեկատվական համակարգում։
Դատախազությունը հայցադիմումը ՀՀ հակակոռուպցիոն դատարան ներկայացրել է 2025 թ. հուլիսի 30-ին:
Խոսքը վերաբերում է ՀՀ կառավարության 2018 թ. մարտի 29-ի «Հայաստանյաց Առաքելական Սուրբ Եկեղեցուն» (Մայր Աթոռ սուրբ Էջմիածին) գույք նվիրելու մասին որոշմանը:
Ըստ այդ որոշման` ՀՀ պաշտպանության նախարարությանն ամրացված` Տավուշի մարզի Գետահովիտ գյուղի վարչական տարածքում գտնվող և պետական սեփականություն հանդիսացող 10518.2 քառ. մետր մակերեսով, 518 221 դրամ հաշվեկշռային արժեքով շենք-շինություններն անհատույց օգտագործման իրավունքով նվիրվել են Հայ առաքելական սուրբ եկեղեցուն:
Բաց մի թողեք
Գնացեք և դեմ քվեարկեք այն անձին, որը կբանեցնի վարչական լծակներ, ճնշումներ, աշխատանքի կամ կաշառքի խոստում կտա
Այս խայտառակ զրպարտության համար դատի եմ տալու Դանիել Իոաննիսյանին. Արմավիրի մարզպետ
Տասնյակ տարիներ Առողջապահական ծառայություններից զրկված քաղաքացիները բողոքում են, որ 1 ամիս ստիպված են սպասել