Արոնյանը միանձնյա զբաղեցնում է մրցաշարի առաջատարի դիրքը

Սենթ Լուիսում մեկնարկել է «Grand Chess Tour: Saint Louis Rapid & Blitz 2025» արագ և կայծակնային շախմատի մրցաշարը, որտեղ առաջին խաղային օրը հաջողությունը լիովին Լևոն Արոնյանինն էր։

Հայ գրոսմայստերը հանդես եկավ անթերի՝ երեք խաղում երեք հաղթանակ գրանցելով։ Նա սկզբում առավելության հասավ աշխարհի գործող չեմպիոն Գուկեշ Դոմարաջուի նկատմամբ, ապա պարտության մատնեց Մաքսիմ Վաշիե-Լագրավին, իսկ օրը եզրափակեց Նոդիրբեկ Աբդուսատորովի նկատմամբ հաղթանակով:

Այս արդյունքով Արոնյանը միանձնյա զբաղեցնում է մրցաշարի առաջատարի դիրքը՝ պահպանելով 100 տոկոսանոց ցուցանիշը։