Չեխիայի հատուկ ծառայությունները, հունգարական եւ ռումինական հատուկ ծառայությունների հետ համագործակցությամբ, Եվրոպայում բացահայտել եւ լիկվիդացրել են բելառուսական լրտեսական ցանց։
Այս մասին հայտնում է Չեխիայի Անվտանգության եւ Տեղեկատվության գործակալությունը՝ BIS-ը։ Պրահան արդեն «անցանկալի անձ» է հայտարարել Չեխիայում բելառուսական դեսպանատան աշխատակիցներից մեկին, ում չեխական հատուկ ծառայությունները անվանում են բելառուսական հատուկ ծառայությունների սպա, ով գործում է դիվանագիտական անձի քողարկման ներքո։
Ռումինիայում էլ ձերբակալվել է Մոլդովայի հատուկ ծառայությունների նախկին բարձրաստիճան պաշտոնյա, ով իբրեւ թե աշխատել է Մինսկի համար։ Այս մասին հայտնում է «Ազատություն» ՌԿ-ի բելառուսական ծառայությունը։ BIS-ը մանրամասնել է, որ Եվրոպայում լրտեսական ցանցը փորձել է ստեղծել Բելառուսի Պետական անվտանգության կոմիտեն։ Նպատակը եղել է հետախուզական տեղեկատվության հավաքագրումը։
Հաղորդման մեջ նշվում է, որ բելառուսական գործակալները ազատորեն օգտվել են դիվանագետների՝ Եվրոպայի տարածքով անարգել տեղաշարժվելու հնարավորությունից։ Առաջարկ է ներկայացվել սահմանափակել ռուս եւ բելառուս դիվանագետների տեղաշարժը Շենգենյան գոտում։
Բաց մի թողեք
Բաքուն անցել է բացահայտ թշնամանքի․ տասնյակ թուրք հայտնիների մուտքն արգելված է
«Անընդունելի և նույնիսկ հիմար մեկնաբանություններ»․ ո՞ւմ նկատի ունի Մակրոնը
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ