Սվետլանա Տիխանովսկայան չեղարկել է այցը Երևան, Հայաստան։ Դրա մասին հաղորդել է լիտվական 15min լրատվական պորտալը։
Չեղարկման պատճառ է դարձել այն, որ Լիտվան հրաժարվել էր Հայաստանում միջազգային միջոցառմանը նրան առնվազն մեկ ուղեկցող անվտանգության աշխատակից տրամադրել։
Լիտվական դիվանագիտական ծառայությունը վստահեցրել է, որ Լիտվայի անվտանգության համակարգում կատարված փոփոխությունները տեխնիկական բնույթ ունեն, այլ ոչ թե քաղաքական որոշում են։
Կառավարությունը պնդում է, որ օրենքով լիտվացի պաշտոնական հյուրերը պաշտպանված են միայն Լիտվայի տարածքում։
Տիխանովսկայայի խորհրդական Դենիս Կուչինսկին պատմել է, որ իր թիմը անձնական անվտանգություն է խնդրել իր՝ Երևան կատարած այցի ժամանակ՝ բարձր անվտանգության ռիսկի պատճառով, և առաջարկել է վճարել դրա համար, սակայն մերժում է ստացել։
Նա հավելել է, որ Լիտվայի որոշումը չի քննադատելու՝ օգնության համար երախտագիտություն հայտնելով Լիտվայի իշխանություններին։
Հիշեցնենք, որ Սվետլանա Տիխանովսկայան բելառուս ընդդիմադիր քաղաքական գործիչ է։ Նա 2020 թվականին մասնակցել է Բելառուսի նախագահի ընտրություններին, որում հաղթանակ է տարել Ալեքսանդր Լուկաշենկոն։
Տիխանովսկայան Բելառուսը լքել է 2020 թվականի օգոստոսին և այժմ ընդդիմադիր գործունեություն է ծավալում արտասահմանում։
Բաց մի թողեք
Իսրայելական ֆինանսական լրատվամիջոցը բացահայտում է Կիպրոսի հետ 150 միլիոն եվրո արժողությամբ ռազմանավերի գործարքի մասին տեղեկությունը
Ֆրանսիայի վարչապետը հրահանգել է սահմանել «տեղային» պարետային ժամեր՝ ի պատասխան թալանի և անկարգությունների
Պարետային ժամ, ոստիկանական ուղղաթիռներ, բախումներ․ ի՞նչ է կատարվում Ֆրանսիայում և ոչ միայն