ԱՄՆ նախագահ Դոնալդ Թրամփը հայտարարել է, որ հանձնարարել է Պենտագոնին՝ անհապաղ սկսել միջուկային զենքի փորձարկումներ։
Այս մասին նա գրել է իր սոցկայքի էջում։ Թրամփի խոսքերի համաձայն, Միացյալ Նահանգները ներկայումս ունի ամենամեծ միջուկային զինանոցը։
«Ռուսաստանը երկրորդն է, իսկ Չինաստանը, զգալիորեն հետ մնալով, զբաղեցնում է երրորդ տեղը, սակայն փորձում է հավասարվել վերջին հինգ տարիներին։ Այլ երկրների կողմից անցկացվող ծրագրերը նկատի ունենալով, հանձնարարել եմ Ռազմական նախարարությանը սկսել մեր միջուկային զենքի փորձարկումները՝ հավասարության հիմքի վրա։ Այդ գործընթացը կսկսվի անհապաղ կերպով»,- գրել է Սպիտակ տան ղեկավարը։
Նա նաեւ ասել է, որ ներկայումս ԱՄՆ-ն ու Ռուսաստանը բանակցում են միջուկային զինաթափման առնչությամբ։
Վլադիմիր Պուտինը հրամայել է ապահովել, որպեսզի արտասահմանյան լրատվամիջոցներ անարգել մուտք գործեն այն տարածքներ, որտեղ ռուսական զորքերը, իբր, «արգելափակում են Ուկրաինայի զինված ուժերի ստորաբաժանումներին»՝ Պոկրովսկ, Դիմիտրով և Կուպյանսկ:
Այս մասին հայտնել է Ռուսաստանի պաշտպանության նախարարությունը։
Նախարարությունը նշել է, որ պետության ղեկավարի հրամանագիրը նպատակ ունի «ստեղծել պայմաններ միջազգային լրագրողների կողմից իրադարձությունների օբյեկտիվ լուսաբանման համար»։
Պոկրովսկի շրջանը մնում է ռազմաճակատի ամենալարված հատվածներից մեկը, որտեղ շարունակվում են կատաղի մարտերը ռուսական և ուկրաինական ուժերի միջև:
Քաղաքը ռազմավարական նշանակություն ունի որպես Դոնբասում երկաթուղային և լոգիստիկ խոշոր հանգույց:
Բաց մի թողեք
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ
Փարիզում թալանված խանութի տերը՝ հարձակման զոհ. «10 տարվա աշխատանքս ավերված է, երեք օր է՝ չեմ քնել»
Ադրբեջանցի հովիվ է հատել Հայաստանի սահմանը