Արտառոց դեպք է տեղի ունեցել Երևանում։
ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Նոր Նորքի բաժին է դիմել Երևանի բնակիչ 38-ամյա Նվարդ Ա․-ն և հայտնել, որ հուլիսի 19-ին իր մայրիկին, Երևանի բնակիչ 63-ամյա Գյուլնազար Ղ․-ին «Սուրբ Գրիգոր Լուսավորիչ» բժշկական կենտրոնի բժիշկ, Կոտայքի մարզի բնակիչ 37-ամյա Սևակ Բ․-ն վիրահատել է և սխալ վիրահատության արդյունքում հուլիսի 22-ին մայրիկը մահացել է։
Ինչպես հայտնում է ֆոտոլրագրող Գագիկ Շամշյանը, Նվարդ Ա․-ն ոստիկաններին հայտնել է նաև, որ իրեն որևէ պայմանագիր չեն տվել ստորագրելու, բացի այդ կեղծվել է իր ստորագրությունը բժշկական փաստաթղթերի վրա։
Գ․ Շամշյանի տեղեկություններով՝ ոստիկանության Նոր Նորքի բաժնի ծառայողների կողմից ձեռնարկվում են միջոցառումներ՝ դեպքի հանգամանքները պարզելու ուղղությամբ։
Ֆոտոլրագրողի տեղեկություններով՝ Նվարդ Ա․-ն Կոնստանտին Սարաջյանի անվան երաժշտական դպրոցի փոխտնօրենն է։
Բաց մի թողեք
Պրոֆեսոր Ալեքսանդր Մալայան․ բժիշկ, ով մարդկանց վերադարձնում էր ոչ միայն տեսողությունը, այլև կյանքի լույսը
«Արժանապատիվ մահ»․ էֆթանազիան օրինականացրել են
Ալեքսանդր Մալայանի անվան Տեսողության վերականգնման կենտրոնի հիմնադիր – տնօրեն Զառա Մալայանը՝ ընտանեկան ժառանգության, նոր բժշկական կենտրոնի գաղափարի և հիվանդակենտրոն մոտեցման մասին