Ռուբեն Վարդանյանին տեղափոխել են Ումբակի բանտային համալիր։
ՄԻԵԴ-ում հայ գերիների շահերի ներկայացուցիչ Սիրանուշ Սահակյանը նշել է, որ Ումբակի բանտային համալիրը հիմնանորոգվել է 2023 թվականին՝ համապատասխանեցվելով միջազգային ստանդարտներին։
«2023 թվականին արդեն իսկ Ադրբեջանում պահվող գերիները տեղափոխվել են այս բանտային համալիր, և մեզ համար կանխատեսելի է, որ այն 16 անձինք, որոնց դատավարությունները ավարտվել են փետրվարին, ևս տեղափոխվելու են հենց Ումբակի բանտային համալիր»,- ասաց Սահակյանը։
Այն գտնվում է Ադրբեջանի Արդարադատության նախարարության ենթակայության տակ՝ ի տարբերություն քննչական մեկուսարանի․ «Ինչպես տարբեր երկրների օրենսդրությունները, այնպես էլ Ադրբեջանինը տարանջատում է կալանավորվածների և պատիժը կրող անձանց պահման վայրերը։ Քանի որ Ռուբեն Վարդանյանը չի բողոքարկել դատական ակտը, և այն արդեն իսկ ուժի մեջ է մտել, պատժի կրման նպատակով տեղի է ունեցել այս տեղափոխումը։ Նշենք, որ նույն մոտեցումը դրսևորվելու է նաև մյուսների նկատմամբ»,- ասել է ՄԻԵԴ-ում հայ գերիների շահերի ներկայացուցիչը։
Բաց մի թողեք
Եթե Փաշինյանը հաղթի ընտրություններում, Հայաստանում կրոնական ազատությունը վտանգված կլինի․ ICC
Եվրոպացի առաջնորդների հետ Հայաստան կժամանի նաև Կանադայի վարչապետը. Լուսանկար
Աշոտ Փաշինյանն արդեն գրանցման հասցե ունի