Քարոզարշավի շրջանակում Շիրակի մարզի Արթիկ քաղաքում բնակիչների հետ հանդիպման ժամանակ Ռոբերտ Քոչարյանը քննադատեց գործող իշխանություններին։
Հրապարակ թերթը գրել է․ Նրա խոսքով՝ Նիկոլ Փաշինյանը 2018 թվականին տված խոստումները չի իրականացրել և ձախողել է իր հայտարարած ծրագրերը։ Քոչարյանը նշեց, որ 2021 թվականին ևս Փաշինյանը կրկին վերադարձավ իշխանության նոր խոստումներով, սակայն այդ ընթացքում Հայաստանը, ըստ նրա, բախվեց ծանր հետևանքների՝ Արցախի կորստի, տարածքային խնդիրների և այլ լուրջ մարտահրավերների։
Նա ընդգծեց, որ ներկայում կրկին նույն իրավիճակն է ձևավորվում և հարց բարձրացրեց՝ արդյոք հասարակությունը պատրաստ է շարունակել նույն ուղով շարժվել։ Քոչարյանի գնահատմամբ՝ եթե Փաշինյանը վերարտադրվի 2026 թվականի ընտրություններից հետո, երկրի ապագան կարող է վտանգվել, իսկ Սյունիքի շուրջ կարող են առաջանալ լուրջ խնդիրներ։
Նրա խոսքով՝ իշխանությունների ներկայացրած խաղաղության օրակարգը իրական խաղաղություն չէ և գործում է այնքան ժամանակ, քանի դեռ դա ձեռնտու է Ադրբեջանի նախագահին։ Քոչարյանը նշեց, որ իր քաղաքական թիմը չի ընդունում այդ մոտեցումը և հույս հայտնեց, որ քաղաքացիները արդեն հասկանում են իրավիճակի լրջությունը․ «Խաղաղությունը, որ փորձում են ծախել մեր վրա, խաղաղություն չէ, դա այնքան ժամանակ կլինի, ինչքան Ալիևին ձեռք է տալիս»:
Բաց մի թողեք
«Մա՛մ, ոչ մի քայլ հետ, մինչև վերջին կաթիլ արյունով հողերը պահելու ենք». կամավորական Սարգիս Դավթյանն անմահացել է հոկտեմբերի 8-ին. Լուսանկարներ
Անկառավարելի գնաճը հարվածում է բոլորին
Ո՞վ է ընտրողը. ընտրությունն սկսվում է ոչ թե քվեախցիկում, այլ մարդու ներսում