Աշխատանքի և սոցիալական հարցերի նախարարի նախկին տեղակալ Գեմաֆին Գասպարյանը անդրադարձել է Արթուր Օսիպյանի նկատմամբ հարուցված քրեական վարույթին՝ այն գնահատելով որպես քաղաքական դրդապատճառներով պայմանավորված։
Նա նշել է, որ Օսիպյանին անձամբ չի ճանաչում, սակայն տեղյակ է նրա հանրային գործունեությունից։ Գասպարյանի կարծիքով՝ նրա նկատմամբ առաջադրված մեղադրանքները առնվազն կասկածելի են և կարող են ունենալ քաղաքական ենթատեքստ։
Նա ընդգծել է, որ «խուլիգանություն» որակումը անհամաչափ է այն իրավիճակին, երբ, ըստ իր մեկնաբանության, խոսքը պարզապես անհամաձայնություն հայտնելուն կամ հարց ուղղելուն է վերաբերում։ Գասպարյանը նաև նշել է, որ նախընտրական գործընթացներին խոչընդոտելու մեղադրանքը հիմնավոր չէ՝ պնդելով, որ նման շփումները քաղաքական գործընթացների բնական մաս են։
Բացի այդ, նա անդրադարձել է բռնության կոչի վերաբերյալ մեղադրանքին՝ նշելով, որ օգտագործված արտահայտությունները պետք է դիտարկել քաղաքական հռետորաբանության համատեքստում և ոչ թե որպես իրական բռնության կոչ. «Նրա հանդեպ քննչականի մեղադրանքն առնվազն քաղաքականապես մոտիվացված է, այդ տղան անհրաժեշտ է, որ անհապաղ ազատվի, քանի որ իր դեմ առաջադրված մեղադրանքն առերևույթ անհիմն է»:
Բաց մի թողեք
Ուր են ուղղելու ստերի համար վճարված գումարները․ Տեսանյութ
Սրտիկ ուղարկել Ադրբեջանին, երջանիկ գրկել էրդողանի գիրքը, իսկ քո ժողովրդի վրա գոռաս, մատ թափ տաս
Այսօրվանից դատական հայցեր են ներկայացվելու բոլոր այն ՔՊ-ականների դեմ, որոնք ․․․