Ութերորդ անգամ … ընդամենը այս տարվա ընթացքում

Նարեկ Թորոսյանը՝ երկու քույրերի միակ եղբայրը, ընտանիքի հենասյունը, բուհի ուսանողը, այլևս չկա։ Եթե իսկապես ճիշտ են այն տեղեկությունները, որ նա ծառայակիցների բռնության, նվաստացման ու բուլինգի հետևանքով կյանքին վերջ է տվել, ապա սա միայն մեկ ընտանիքի ողբերգությունը չէ։ Սա ամբողջ պետության խղճի պարտությունն է։

Հայոց բանակում զինվորը պետք է պաշտպանի հայրենիքը, ոչ թե ամեն օր պաշտպանվի սեփական ծառայակիցներից։ Բռնությունը, նվաստացումը և անպատժելիությունը չեն կարող դառնալ զինվորական առօրյա։

Պահանջում ենք լիարժեք, անկախ և թափանցիկ քննություն, մեղավորների անխուսափելի պատասխանատվություն և իրական քայլեր՝ բանակում այս արատավոր երևույթները վերջնականապես արմատախիլ անելու համար։

Այլևս ոչ մի Նարեկ։ Այլևս ոչ մի ընտանիք՝ սևազգեստ։ Լռությունը նույնպես հանցակցություն է։ Խորին ցավակցություններ Նարեկ Թորոսյանի ընտանիքին, հարազատներին և բոլոր նրանց, ովքեր այսօր սգում են նրա կորուստը։

Սիմոն Սարգսյանի ֆեյսբուքյան էջից