Վատիկանի պետությունների և միջազգային կազմակերպությունների հետ հարաբերությունների քարտուղար Պոլ Ռիչարդ Գալագերը պաշտոնական այցով գտնվում է Մոսկվայում։ Նախօրեին այդ մասին հայտնել է Սուրբ աթոռի Vatican News-ը։
Ըստ այդմ, արքեպիսկոպոս Գալագերը «չորսօրյա հագեցած հանդիպումներ կունենա Ռուսաստանի Դաշնության իշխանությունների և Մոսկվայի պատրիարքարանի ներկայացուցիչների, Ռուսաստանի կաթոլիկ համայնքի եպիսկոպոսների հետ»։
Վատիկանի և Մոսկվայի պատրիարքարանի միջեւ հարաբերությունները գրեթե խզվել են 2022թ․-ից, երբ Ռուսաստանը Ուկրաինայում «հատուկ ռազմական գործողություն» է սկսել։ Ըստ «Նեզավիսիմայա գազետա»-ի, հարաբերությունները «ավելի բարդացել են Կաթոլիկ եկեղեցու նոր հովվապետի օրոք»։
Հայտնի է, որ օգոստոսի 10-ին Հռոմի Լևոն պապը Ռուսաստանին և Ուկրաինային պատերազմին վերջ տալու և «դիվանագիտության համար տեղ բացելու» կոչ է ուղղել։
Վատիկանում Ուկրաինայի դեսպան Անդրեյ Յուրմաշը այդ առթիվ ասել է, որ Սուրբ աթոռի «հռչակագրած չեզոքությունը իրականում խաբուսիկ» է։ Նրա գնահատմամբ՝ Վատիկանը «միանշանակորեն պաշտպանում է Ուկրաինայի ինքնիշխանությունը և տարածքային ամբողջականությունը, իսկ միջազգային ասպարեզում դիվանագիտական բոլոր հնարավոր խողովակներոով նրան օգնություն է ցուցաբերում»։
Իր հերթին Վատիկանում Ռուսաստանի դեսպան Իվան Սոլտանովսկին հայտարարել է, որ Սուրբ աթոռը «չի պաշտպանում Ռուսաստանի քաղաքական և դիվանագիտական մեկուսացման ուղեգիծը և Մոսկվայի հետ բաց երկխոսությունը պահպանում» է։
Արքեպիսկոպոս Գալագերը Մոսկվա քառօրյա այցը, նրա հանդիպումների ժամանակացույցը վկայում են, որ Վատիկանը, իրոք, Ռուսաստանի իշխանությունների և Մոսկվայի պատրիարքարանի հետ երկխոսությունը պահպանում է։ Այլ բան է, թե այդ առաքելությունը ի՞նչ արդյունք կունենա։
Այս առումով չափազանց կարեւոր է հիշել, որ արքեպիսկոպոս Գալագերի Մոսկվա այցից մոտ մեկ շաբաթ առաջ Բելառուսի նախագահ Լուկաշենկոն բաց տեքստով Վատիկանին մեղադրել է ՌԴ նախագահ Պուտինին «խաբելու» մեջ։
Ըստ նրա, 2022թ․ մարտի կեսերին Ռուսաստանը զորքերը «Կիևից դուրս է բերել՝ հավատալով Վատիկանին»։ Հատկանշական է, որ Սուրբ աթոռի դիվանագիտական ծառայության ղեկավարի մոսկովյան հանդիպումների մեկնարկը համընկել է ԱՄՆ ԿՀՎ տնօրեն Ռետկլիֆի ՌԴ մայրաքաղաք կարճատեւ այցին։ Հռոմի Լևոն պապը Կաթոիլ եկեղեցու ամերիկյան ծագումով առաջին հովվապետն է։
Բաց մի թողեք
Կառավարությունում տեռորիստ դարձողների զավակներ կան, փոխնախարարի մոր գրառումները՝ «Տեռորիստ եմ դառնում»
Քաղաքապետարանի աշխատողները կոտրել են քաղաքացու մեքենայի ապակին
«Пашинян взялся за тех, кого давно ждут в Баку»․ Ադրբեջանի ցինիկ հրճվանքը