Ռուսաստանի նախագահ Վլադիմիր Պուտինը սեպտեմբերի 1-ին Բիշքեկում Շանհայի համագործակցության կազմակերպության գագաթնաժողովի շրջանակներում Հայաստանի վարչապետ Նիկոլ Փաշինյանի հետ հանդիպման ժամանակ կհայտնի Մոսկվայի դիրքորոշումը Երևանի՝ ԵՄ-ին միանալու մտադրության վերաբերյալ:
Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Բարձր մակարդակի յուրաքանչյուր շփում կարևոր է։ Նախագահը, իհարկե, կօգտագործի այս հանդիպումը մեր փաստարկները կրկնելու համար։ Բայց մենք չենք կարող ավելի հայ լինել, քան հայերն իրենք։ Եվ, իհարկե, հայերն իրենք կորոշեն իրենց ճակատագիրը։ Եվ մենք առաջարկում ենք, որ նրանք հենց դա անեն՝ հանրաքվե անցկացնելով»,- ասել է Պեսկովը։
Նա հիշեցրել է, որ ԵԱՏՄ մյուս երկրների ղեկավարները նույնպես նմանատիպ դիրքորոշում են ընդունել՝ Աստանայում վերջերս կայացած գագաթնաժողովում համապատասխան հայտարարություն ընդունելով։
«Սա այն է, ինչ մենք քննարկելու ենք»,- ասել է Կրեմլի խոսնակը։
Ինչպես հայտնել ենք, վարչապետ Նիկոլ Փաշինյանը երկօրյա աշխատանքային այցով մեկնել է Ղրղզստանի Հանրապետություն:
Վարչապետը Բիշքեկում կմասնակցի Շանհայի համագործակցության կազմակերպության գագաթնաժողովի ՇՀԿ+ ձևաչափի հանդիպմանը և դրա շրջանակում կայանալիք միջոցառումներին, Փաշինյանը երկկողմ հանդիպումներ կունենա արտերկրի գործընկերների հետ:
Բաց մի թողեք
«Մուհամեդի ումմա կազմավորելու» համար Էրդողանը կհրավիրի նաև Ալիևին
Նախկին նախագահներից ոչ մեկը չի համարձակվել խոսել անկլավների մասին
Մենք չենք կարող ավելի հայ լինել, քան իրենք՝ հայերը․Պեսկով