Ապօրինի ձեռնարկատիրությամբ զբաղվելու հերթական դեպքերն են բացահայտել Քանաքեռ-Զեյթունի և Արմավիրի բաժինների համայնքային ոստիկանները։
Համայնքային ոստիկանության Քանաքեռ-Զեյթունի բաժնի ծառայողները սեպտեմբերի 14-ին օպերատիվ տեղեկություն էին ստացել, որ Քանաքեռի փողոցի 51-ամյա բնակիչը առանց համապատասխան թույլտվության պատրաստում և իրացնում է ոգելից խմիչքներ։
Նախաձեռնված քրեական վարույթի շրջանակում կատարված զննությամբ 51-ամյա տղամարդու ավտոտնակում հայտնաբերվել են օղիով և կոնյակով լցված 10-լիտրանոց տարաներ, 12 շիշ օղի, օղու դատարկ շշեր, խցաններ, ակցիզներ։
Կեղծ ալկոհոլային խմիչք պատրաստելու վերաբերյալ օպերատիվ տեղեկություն էին ստացել նաև Համայնքային ոստիկանության Արմավիրի բաժնի ծառայողները։ Ըստ տեղեկության՝ Բամբակաշատ գյուղի 62-ամյա բնակիչը առանց համապատասխան թույլտվության իրացնելու նպատակով պատրաստում է կեղծ օղիներ։
Նախաձեռնվել է քրեական վարույթ։ 62-ամյա տղամարդու տան և կից օժանդակ շինության զննությամբ հայտնաբերվել է առանց համապատասխան ակցիզի 92 շիշ օղի։
Երկու դեպքով էլ կատարվում է նախաքննություն։
Բաց մի թողեք
Հունաստանը 2027թ. ԵՄ նախագահության ընթացքում առաջնահերթություն կտա կենսանմանակների (biosimilars) վերաբերյալ օրենսդրությանը. նախարար
Չեխիայի վարչապետը նպատակաուղղված է դեղամիջոցների գներին՝ առողջապահական ծախսերը կրճատելու նոր նախաձեռնության շրջանակում
Եվրոպան դժվարանում է հստակեցնել Ուկրաինայի ֆինանսավորման պակասուրդի չափը