Միացյալ Նահանգները, համաձայն Մոնտրյոյի կոնվենցիայի, պետք է թույլտվություն խնդրի Թուրքիայից, եթե Սև ծովում միջուկային սուզանավեր տեղակայի։
Այս մասին գրել է թուրքական կառավարամետ Türkiye թերթը՝ հղում անելով միջազգային իրավունքի մասնագետներին։
Օգոստոսի 1-ին ԱՄՆ նախագահ Դոնալդ Թրամփը հայտարարել էր, որ Ռուսաստանի Անվտանգության խորհրդի փոխնախագահ Դմիտրի Մեդվեդևի «չափազանց սադրիչ» հայտարարություններից հետո ինքը հրաման է տվել երկու միջուկային սուզանավ ուղարկել «համապատասխան տարածաշրջաններ»։ Ավելի ուշ նա պարզաբանել է, որ «համապատասխան տարածաշրջաններ» ուղարկված իր միջուկային սուզանավերն այժմ ավելի մոտ են Ռուսաստանին։
«Եթե Միացյալ Նահանգները ցանկանում է Սև ծովում միջուկային սուզանավեր տեղակայել,նրանք պետք է թույլտվություն խնդրեն Թուրքիայից:
Այսպես է հուշում և պարտադրում Մոնտրյոյի կոնվենցիան», – գրել է հրատարակությունը։
Այս կոնվենցիան ապահովում է անվտանգության ռեժիմ, որը սահմանափակում է ռազմանավերի մուտքը Սև ծով և տարածաշրջանում նրանց գտնվելու տևողությունը։ Այն նաև չի թույլատրում Սև ծովում միջուկային սուզանավերի մշտական ներկայությունը։
Լրատվամիջոցի փոխանցմամբ՝ շատ քիչ հավանակն է, որ Թուրքիան կտա նման թույլտվություն:
Հիշեցնենք, որ Ռուսաստանի կողմից Ուկրաինայում ռազմական գործողությունների սկզբից ի վեր Թուրքիան օգտագործել է Մոնտրյոյի կոնվենցիայով իրեն տրված լիազորությունները և արգելել ռազմանավերի անցումը իր նեղուցներով։
Բաց մի թողեք
ԱՄՆ գաղտնի ծառայությունն անշարժ գույք է վարձակալել Թրամփի և Պուտինի հնարավոր հանդիպման վայրում. Լուսանկար
Թրամփը ցանկանում է ամբողջապես դադարեցնել Ուկրաինայի հակամարտության ֆինանսավորումը. Վենս
Անօթևանները պետք է անհապաղ հեռանան. Թրամփ