Ստամբուլում գտնվող Սուրբ Սոֆիայի (Այա Սոֆիա) տաճարում արտառոց միջադեպ է տեղի ունեցել։ Տեսախցիկները ֆիքսել են, թե ինչպես է կարմիր գլխարկով մի տղամարդ, որը, ենթադրաբար, օտարերկրացի է եղել, փորձել է գիշերով հրկիզել մզկիթը։
Տեսանյությում երևում է, թե ինչպես է նա թաքնվում սյան հետևում, գրպանից հանում թղթերն ու այրում։
Այրվող գիրքն ու գորգը նկատել է մի կին և սկսել բղավել, ինչից հետո մզկիթի իմամի հետ փորձել են հանգցնել կրակը։ Դեպքից հետո ոստիկանությունը հետաքննություն է սկսել և 2 օր անց ձերբակալել կասկածյալին։
Պարզվել է, որ վերջինս նախկինում բուժում է ստացել հոգեկան առողջության կենտրոնում։ Դեպքից հետո մզկիթում անվտանգության միջոցները խստացվել են։
Սուրբ Սոֆիայի տաճարը մզկիթի է վերածվել 2020-ի հուլիսի 24-ին․ այն գրանցված է ՅՈՒՆԵՍԿՕ-ի համաշխարհային մշակույթային ժառանգության ցանկում:
Բաց մի թողեք
Իրանը խիստ նախազգուշացրել է Իսրայելին
ԱՄՆ-ն մտադիր է միջուկային զենք տեղակայել ՌԴ-ի հետ սահմանին
Ինչպես է Ռուսաստանի ստվերային նավատորմը թաքնվում համաշխարհային հետևումից