«Հայաստան» խմբակցության քարտուղար Արծվիկ Մինասյանը, անդրադառնալով վարչապետ Նիկոլ Փաշինյանի այն հայտարարությանը, որ ընդդիմադիրները հայտնվելու են քաղաքական աղբանոցում, ընդգծել է, որ իր մանկության երազանքը կփշրվի, և համոզված է, որ Փաշինյանը և իր քաղաքական թիմը հայտնվելու են ոչ միայն քաղաքական աղբանոցում, այլև քրեակատարողական հիմնարկներում։
Մինասյանը խոսեց նաև իշխանությունների խոստացած խաղաղության մասին. «Փաշինյանը կամ իր թիմի ցանկացած անդամ կարող է կանգնել ու ասել՝ «տեսեք՝ Արցախում խաղաղություն է, սպանություն և կրակոցներ չկան, բայց հայություն չկա»»,–ասաց նա։
Նա հավելեց, որ այսօր ազգային ընդդիմադիր հատվածն ամենաշատն է ցանկանում խաղաղություն, սակայն այն պետք է հիմնված լինի ազգի հարգանքի և իրավունքի վրա, այլ ոչ թե իշխանությունների ցանկությունների ու հայտարարությունների վրա. «Անցած չորս տարիների ընթացքում ամեն օր դիմադրություն է ցուցաբերվում իշխանություններին։ Սա Նիկոլ Փաշինյանի և օրվա իշխանությունների դավաճանական քայլերի հետևանքն է՝ խոստանում են մի բան, սակայն իրականում գործում են հակառակը։ Այսօր ժողովրդի ճնշող մեծամասնությունը մերժում է նրանց»:
Բաց մի թողեք
Բավ է բարբաջեք խաղաղության մասին․ Խաղաղությունը ստեղծվում է դաշնակիցներով, ուժով և խելքով ու նաև բարոյականությամբ
Զոռով ոչինչ չի լինելու, միջանցք չի լինելու. ՀՀ-ում Իրանի դեսպան. Լուսանկար
Ո՞վ համոզեց Հայաստանին՝ գնալ դեպի ողբերգություն