Սեպտեմբերի 4-ին, արտակարգ դեպք է տեղի ունեցել Սյունիքի մարզում։
Ժամը 00։40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Սիսիանի բաժին է զանգահարել Սյունիքի մարզի բնակիչ 37-ամյա Լևոն Մ․-ն և հայտնել, որ իր 30 գլուխ ոչխարները գողացել են, իր տուն «նռնակ» են գցել և տվել վիրավորանքներ ոստիկանության ծառայողների հասցեին։
Ոստիկանական խումբը մեկնել է նշված հասցե։ Արդեն տեղում Լևոն Մ․-ն տեսնելով ոստիկաններին և գտնվելով ակնհայտ ոչ սթափ վիճակում, առանց որևէ պատճառ հայտնելու ձեռքին եղած խոհանոցային դանակով վագոն-տնակի մուտքի դռան աստիճանների վրա վնասել է ձախ նախաբազկի հատվածը՝ պատճառելով մարմնական վնասվածք, որից հետո ոստիկանության ծառայողների և Սյունիքի մարզի բնակիչ 37-ամյա Ոսկան Ա․-ի միջամտությամբ նրա ձեռքից վերցվել է դանակը և բուժօգնություն ցուցաբերելու համար անմիջապես տեղափոխվել է «Սիսիանի» բժշկական կենտրոն, որտեղ ախտորոշվել է ձախ նախաբազկի վերին, միջին երրորդականի կտրած վերքեր մկանի վնասումով։
Դեպքի փաստով ոստիկանության Սիսիանի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Սյունիքի մարզային քննչական վարչության Սիսիանի քննչական բաժին։
Բաց մի թողեք
Շտապօգնության մեքենան ուղևորներ է տեղափոխել Երևան, ճանապարհին բախվել է Volkswagen-ին և դիմել փախուստի. Լուսանկար
Ողբերգական դեպք՝ Սյունիքի մարզում․ որպես անհայտ որոնվող 40-ամյա տղամարդու վարած «Mercedes»-ը հայտնաբերվել է Տեղ գյուղի ձորում, կողքին էլ՝ նրա մարմինը
Է՛հ, ինչ էինք՝ ինչ դարձանք… Աստված էլ բեթարից ազատի