Դանիան լրացուցիչ ուժեր է տեղակայում Գրենլանդիայում՝ մեծացնելով իր ռազմական ներկայությունը: Զորքերի հետ միասին կղզի է ժամանել նաև շտաբի պետ Պիտեր Բոյսենը՝ հայտարարելով. «Մենք կարող ենք պաշտպանվել»:
Դանիական զորքերը ափ են իջել Գրենլանդիայի մայրաքաղաք և ամենամեծ քաղաք Նուուկում, հաղորդում է Berlingske թերթը:
Ինչպես նշում է թերթը, զինվորները Նուուկ են ժամանել ոչ թե Դանիայի զինված ուժերին պատկանող ինքնաթիռով, այլ Ֆարերյան կղզիների (Դանիայի կազմում ինքնավար տարածք) ազգային ավիափոխադրող Atlantic Airways-ի կողմից շահագործվող ինքնաթիռով։
TV2-ի տվյալներով՝ Գրենլանդիա է ժամանել ընդհանուր առմամբ 58 դանիացի զինծառայող։ Նրանք միացել են մոտ 60 հոգուց բաղկացած առաջապահ զորքերին, որոնք կղզի էին ուղարկվել ավելի վաղ՝ զորավարժություններին նախապատրաստվելու համար։
Բաց մի թողեք
Բաքուն անցել է բացահայտ թշնամանքի․ տասնյակ թուրք հայտնիների մուտքն արգելված է
«Անընդունելի և նույնիսկ հիմար մեկնաբանություններ»․ ո՞ւմ նկատի ունի Մակրոնը
Ֆրանսիան խոստանում է իրականացնել անվտանգության «լայնածավալ» գործողություն՝ ներգրավելով զինված ուժերին՝ կապված հանգստյան օրերին սպասվող բողոքի ցույցերի հետ