«Դոմոդեդովո» օդանավակայանում Ուկրաինայի ԶՈՒ-ի «հայ վարձկան» է ձերբակալվել․ մանրամասներ. Լուսանկար

«Դոմոդեդովո» օդանավակայանում Ռուսաստանի Դաշնության տարածք մտնելու փորձ կատարելիս ձերբակալվել է Ուկրաինայի զինված ուժերի «հայ վարձկան», հայտնել է ՌԴ Քննչական կոմիտեն։

Ըստ հետաքննության՝ 2022 թվականի նոյեմբերին Արմեն Բալյանը ժամանել է Ուկրաինա, որտեղ «դրամական պարգևի համար մինչև 2023 թվականի դեկտեմբերը տարածքային պաշտպանության ստորաբաժանումների կազմում մասնակցել է ԴԺՀ-ի, ԼԺՀ-ի և Խերսոնի մարզի տարածքում մարտական ​​գործողություններին»։

«Ապացույցների հիման վրա 2024 թվականի օգոստոսին նախաքննության ընթացքում Հայաստանի քաղաքացուն մեղադրանք է առաջադրվել շահադիտական ​​գործունեության համար ու հետախուզում հայտարարվել։ Հայ վարձկանը ձերբակալվել է հոկտեմբերին «Դոմոդեդովո» օդանավակայանում։

Հարցաքննության ժամանակ Բալյանն ընդունել է մեղքը։ Մոսկվայի Բասմանի շրջանային դատարանը տղամարդու նկատմամբ խափանման միջոց է ընտրել կալանավորումը»։