Ի պատասխան «Երևանում հրկիզել են ՊՆ ռազմական ոստիկանության բաժիններից մեկի պետի «Nissan Juke»-ը» վերտառությամբ հրապարակման առնչությամբ հարցումների՝ Պաշտպանության նախարարությունից հայտնում են, որ հրապարակման մեջ նշված ՊՆ ՌՈ ծառայողը ռազմական ոստիկանության տարածքային ստորաբաժանման պետ չէ:
Նա ամիսներ շարունակ գտնվում է ֆիզարձակուրդում:
Ավելի վաղ shamshyan.com-ը գրել էր. Դեկտեմբերի 16-ին՝ ժամը 01:55-ի սահմաններում, ՀՀ ներքին գործերի նախարարությունն օպերատիվ տեղեկություններ է ստացել, որ Վիլնյուսի փողոցում ավտոմեքենա է այրվում:
Shamshyan.com-ի հաղորդմամբ՝ պարզվել է, որ հրդեհ է բռնկվել «Nissan Juke» մակնիշի ավտոմեքենայում:
Նոր Նորքի ոստիկանները պարզել են, որ ավտոմեքենան պատկանում է Երևանի բնակիչ 27-ամյա Մարիամ Վ.-ին, և այն ոչ թե անզգուշաբար է բռնկվել, այլ հրկիզել են, և կա տեսագրություն, իսկ հրկիզման հետևանքով Մարիամ Վ.-ին պատճառվել է 4 միլիոն դրամի վնաս:
Դեպքի փաստով քննչական բաժնում նախաձեռնվել է քրեական վարույթ:
Կայքի տեղեկություններով՝ Մարիամ Վ.-ն աշխատում է ՀՀ ՊՆ ռազմական ոստիկանության բաժիններից մեկում՝ որպես պետ:
Բաց մի թողեք
Թուրքիայի հետ ակտիվ երկխոսություն կա, կոնկրետ համաձայնություն՝ առաջին փուլով բացել սահմանը․ Փաշինյան
Տուգանք, կարճաժամկետ ազատազրկում. ՊՆ-ն առաջարկում է խստացնել վարժական հավաքից խուսափելու պատասխանատվությունը
Զարմանում եմ, մեկը չկա՞ սրանց սովորեցնի տարրական մարդկային ու կյանքի կանոններ․ Սիմոնյան